Nêhêmi 3:26 - Nau Brah Ndu Ngơi 2023

²⁶ Phung pah kan ngih ƀư brah gŭ ta Ôphel nkra mpêr ƀon tât ma ntŭk tâm tra đah mpông pêr Dak mpeh luh nar jêh ri tât ma vâl tŭm prêh klơ.

Nêhêmi 3:26 Iomraidhean Croise

I Nau Rêh Jêng 9:2

Phung plơ̆ sĭt lor ntơm saơm gŭ tay tâm lĕ drăp ndơn, tâm lĕ ƀon khân păng, jêng phung Israel, phung kôranh ƀư brah, phung Lêvi, jêh ri phung pah kan tâm ngih brah.

II Nau Rêh Jêng 27:3

Păng ndâk mpông pêr ta klơ ngih Brah Yêhôva, jêh ri ƀư âk kan ndâk n'gŏ mpêr ƀon Ôphel.

II Nau Rêh Jêng 33:14

Jêh nau nây, păng ƀư mpêr padih ƀon Đavit, mpeh ma nhâp nar ƀon Gihôn, tâm rlŭng, tât ma ntŭk lăp mpông pêr ka, jêh ri văr jŭm ƀon Ôphel; hađăch ndâk mpêr nây prêh ngăn. Jêh nây păng đă phung kôranh chiă uănh tahan tâm lĕ rngôch ƀon geh pôih nâp tâm n'gor Yuđa.

Nêhêmi 10:28

Phung ƀon lan hôm klen, phung kôranh ƀư brah, phung Lêvi, phung gak mpông pêr, phung mprơ, phung pah kan ta ngih brah, jêh ri lĕ rngôch phung nđâp ma ur kon bu klâu, kon bu ur khân păng tâm nkhah đah lĕ phung ƀon lan tâm n'gor bri khân păng gay tông tĭng nau vay Brah Ndu; lĕ rngôch jêng phung geh nau dơi jêh ri nau gĭt rbăng,

Nêhêmi 11:21

Phung pah kan ta ngih brah gŭ ta Ôphel da dê; Y-Siha jêh ri Y-Gispa chiă uănh phung nây.

Nêhêmi 12:37

Tă bơh mpông pêr Dak N'hor ta panăp măt, khân păng hăn sŏng hao ta lĕ gung ƀon Đavit, tĭng sop hao mpêr ƀon tât ta klơ ngih Y-Đavit jêh ri tât ma mpông pêr Dak mpeh luh nar.

Nêhêmi 3:27

Jêh phung nây, geh phung ƀon Têkôa nkra du gâl êng tâm tra đah vâl tŭm toyh prêh klơ tât ta mpêr Ôphel.

Nêhêmi 8:1

Rnôk nây, lĕ rngôch phung ƀon lan tâm rƀŭn ndrel nâm bu du huê nuyh, ta nkual toyh tanăp ƀon mpông pêr Dak. Khân păng lah ma Y-Êsra jêng kôranh nchih samƀŭt djôt leo ndrom samƀŭt nau vay Y-Môis; nây jêng nau vay Brah Yêhôva hŏ ntĭm nti jêh ma phung Israel.

Nêhêmi 8:16

Pôri phung ƀon lan hăn joi jêh ri djôt sĭt lĕ ntil n'ha si nây jêh ri ăp nơm ƀư ngih ndưp ta klơ chor ngih khân păng nơm, padih ndring, tâm nkual nhuang ngih Brah Ndu, tâm nkual toyh tanăp mpông pêr Dak jêh ri nkual toyh tanăp mpông pêr Êphraim.

Nêhêmi 8:3

Păng dâk ta nkual toyh tanăp mpông pêr Dak, rŏ tâm ndrom samƀŭt nây ntơm ƀhit rvi ang tât ma nklang bôk nar, lĕ bu klâu jêh ri bu ur nđâp lĕ rngôch dơi gĭt rbăng. Lĕ rngôch phung ƀon lan rkêng tôr iăt nau rŏ tâm ndrom samƀŭt nau vay.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,