Nêhêmi 3:15 - Nau Brah Ndu Ngơi 2023

¹⁵ Y-Salum, kon bu klâu Y-Kôl-Hôsê, kôranh chiă uănh nkual Mispa, nkra mpông pêr Dak N'hor. Păng ndâk nkra đŏng, nkŭm chor, ntrŭp mpông, mâng nđăng jêh ri rnăng păng. Păng ndâk đŏng mpir jŭm nglau Silôê, dăch ta n'gar trao hađăch, tât ma ntung gung tă bơh ƀon Đavit hăn trŭnh.

Nêhêmi 3:15 Iomraidhean Croise

II Samuel 5:9

Y-Đavit gŭ ta pôih nây, jêh ri ntơ amoh ƀon Đavit. Hađăch ƀư mpêr gŭ văr jŭm ntơm bơh Milô plơ̆ lăp mpeh tâm trôm.

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

II Nau Rêh Jêng 32:30

Y-Hêsêkia yơh bât n'hor dak Gihôn, jêh ri n'hoch păng hoch mŭr tâm dâng neh mpeh nhâp nar ƀon Đavit. Tâm lĕ kan Y-Hêsêkia ƀư dơi chăt jêng da dê.

Nêhêmi 12:37

Tă bơh mpông pêr Dak N'hor ta panăp măt, khân păng hăn sŏng hao ta lĕ gung ƀon Đavit, tĭng sop hao mpêr ƀon tât ta klơ ngih Y-Đavit jêh ri tât ma mpông pêr Dak mpeh luh nar.

Nêhêmi 2:14

Jêh nây gâp n'hot hăn tât mpông pêr Dak N'hor jêh ri tât ta Dak Nglau Hađăch, ƀiălah mâu geh ntŭk ôh ma seh bri gâp ncho dơi hăn rgăn.

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 3:12

Ta meng păng jêng Y-Salum, kon bu klâu Y-Halôhes, kôranh chiă uănh du n'gul đah ri nkual Yêrusalem jêh ri phung kon bu ur păng, ndâk nkra mpêr ƀon da dê.

Nêhêmi 3:14

Y-Malkija, kon bu klâu Y-Rêkap, kôranh mât uănh nkual Bet-Hakêrem, nkra mpông pêr Ndjah. Păng ndâk nkra tay đŏng mpông pêr, ntrŭp mpông, mâng nđăng jêh ri rnăng păng.

Nêhêmi 3:19

Jêh păng jêng Y-Êser, kon bu klâu Y-Jêsua, kôranh chiă uănh n'gor Mispa, nkra du gâl êng tâm tra đah ntŭk trong hao rlet vâl prăp ndơ tâm lơh ta njônh ƀon.

Nêhêmi 3:7

Êp ta meng khân păng jêng Y-Mêlatia, bunuyh Gibêôn jêh ri Y-Jadôn, bunuyh Mêrônôt, nđâp ma phung bunuyh Gibêôn jêh ri Mispa; phung nây gŭ tâm ntŭk kôranh chiă uănh kơh đah ri dak krong, phung nây ƀư nau kan ndâk nkra mpêr ƀon da dê.

Nêhêmi 3:9

Êp ta meng khân păng jêng Y-Rêphaya, kon bu klâu Y-Hur, kôranh chiă uănh du n'gul nkual Yêrusalem, nkra mpêr ƀon.

Nơm Nti 2:6

Gâp kuyh nglao prăp dak prăp gay djrah lĕ bri tơm si dôl toyh.

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Yêrêmi 40:6

Y-Yêrêmi hăn tât ta ntŭk Y-Gêdalia, kon bu klâu Y-Ahikam, ta ƀon Mispa, jêh ri gŭ rêh ndrel ma păng ta nklang phung ƀon lan hôm klen tâm n'gor.

Luka 13:4

Mâu lah phung jât ma pham nuyh ri ngih prêh Silôê cha lôt nklân khĭt lĕ rngôch, khân may mĭn lĕ khân păng geh tih toyh lơn ma phung êng gŭ tâm ƀon Yêrusalem?

Yôhan 9:7

jêh nây lah ma păng: “Hăn hom jêh ri rao ta dak nglao Silôê” (rplay ngơi aơ nâm bu ntĭt “dơi njuăl hăn”). Pôri, păng hăn jêh ri rao, jêh nây plơ̆ tay ri mơ saơ ang.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

Phung Kôranh Phat Dôih 20:3

Phung Benjamin lĕ tăng jêh nau phung ƀon lan Israel hăn tât ma Mispa. Phung ƀon lan Israel lah: “Nkoch hom ma hên, mâm dĭng geh nau tih toyh aơ tât?”