Nêhêmi 3:14 - Nau Brah Ndu Ngơi 2023

¹⁴ Y-Malkija, kon bu klâu Y-Rêkap, kôranh mât uănh nkual Bet-Hakêrem, nkra mpông pêr Ndjah. Păng ndâk nkra tay đŏng mpông pêr, ntrŭp mpông, mâng nđăng jêh ri rnăng păng.

Nêhêmi 3:14 Iomraidhean Croise

II Samuel 4:2

Rnôk nây, kon Y-Sôl geh bar hê kôranh tahan hăn nsong lơh: du huê bunuyh amoh Y-Bana, du huê bunuyh amoh Y-Rêkap; lĕ bar hê jêng kon Y-Rimôn ta Bêrôt bơh noi deh phung Benjamin — Phung Bêrôt nâm bu phung Benjamin,

II Phung Hađăch 10:15

Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.

I Nau Rêh Jêng 6:40

Y-Simêa kon Y-Mikel, Y-Mikel kon Y-Baseya, Y-Baseya kon Y-Malkija,

Nêhêmi 12:31

Rnôk nây, gâp lah phung kôranh chiă uănh tâm phung Yuđa hao ta klơ mpêr ƀon, jêh nây tâm nkhah jêng bar mbŭch hăn tâm groi ndrel gay tâm rnê lah ueh ma Kôranh Brah. Du mbŭch hăn mpeh pa ma ta klơ mpêr ƀon, rlet mpeh mpông pêr Ndjah.

Nêhêmi 2:13

Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Nêhêmi 3:9

Êp ta meng khân păng jêng Y-Rêphaya, kon bu klâu Y-Hur, kôranh chiă uănh du n'gul nkual Yêrusalem, nkra mpêr ƀon.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.