Nêhêmi 2:8 - Nau Brah Ndu Ngơi 2023

⁸ Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nêhêmi 2:8 Iomraidhean Croise

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Êsra 5:5

Ƀiălah Brah Ndu n'gang phung bu ranh phung Yuđa, yor ri khân păng mâu buay ôh nau rdâk kŏ tât nôk plơ̆ mbơh nau nây ma hađăch Darius, jêh ri hađăch ăn samƀŭt nau ntrŭnh ma nau kan nây.

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Êsra 6:8

Aơ jêng nau gâp ntrŭnh tât ma nau kan ma khân may mra ƀư đah phung bu ranh phung Yuđa tâm nau ndâk nkra đŏng ngih Brah Ndu aơ: Sŏk dŏng hom prăk ngih hađăch bơh lĕ kô̆ prăk pi tâm n'gor mpeh nhâp nar Dak Krong Ơphrat gay nkhôm rĭng lĕ rnoh prăk ndâk ma phung nây, lơi ăn nau kan tăch yơt hêng.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 7:9

Păng hăn ntơm bơh Babilôn nar năng nguay, khay nguay, jêh ri yorlah ti ueh Brah Ndu păng rgong ta păng, păng tât ta Yêrusalem nar năng nguay khay prăm.

Nêhêmi 7:2

Gâp jao kan chiă uănh ƀon Yêrusalem ma oh gâp jêng Y-Hanani jêh ri Y-Hanania jêng kôranh chiă uănh ƀon, yorlah păng jêng du huê bunuyh răp jăp lơn jêh ri klach yơk ma Brah Ndu lơn ma phung êng.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Nơm Nti 2:5

njêng ăn ma gâp nơm đang tơm si sa play jêh ri n'gar kao, tăm ăp ntil tơm si ta nây.

Nơm Nti 2:6

Gâp kuyh nglao prăp dak prăp gay djrah lĕ bri tơm si dôl toyh.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Daniel 1:9

Brah Ndu ƀư ma kôranh chiă uănh phung kôranh bu char geh nau rŏng jêh ri nau yô̆ ma Y-Daniel.

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;