Nêhêmi 2:6 - Nau Brah Ndu Ngơi 2023

⁶ Nôk nây geh hađăch bu ur gŭ đŏng êp hađăch. Hađăch ôp ma gâp: “Ndah jŏ may mra hăn jêh ri mra plơ̆ sĭt tay?” Pôri hađăch lŏng nuih n'hâm prơh gâp hăn jêh ri gâp mbơh ma hađăch năng nar gâp mra hăn jêh ri năng nar gâp mra plơ̆ sĭt tay.

Nêhêmi 2:6 Iomraidhean Croise

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 13:6

Tơlah lĕ nau nây tât ngăn, gâp mâu geh gŭ ôh ta Yêrusalem, yorlah di năm rơh pe jât ma bar rô̆ Artasersês, hađăch Babilôn, ăn gâp plơ̆ sĭt ma hađăch. Jŏ pakơi nây, gâp dăn ma hađăch gay gâp dơi plơ̆ sĭt ta Yêrusalem.

Nêhêmi 2:4

Hađăch ôp ma gâp: “Moh nau may ŭch dăn?” Gâp mbơh sơm ma Brah Ndu tâm lĕ ndâr trôk,

Nêhêmi 2:5

jêh nây gâp lah ma hađăch: “Tơlah hađăch maak nuih n'hâm jêh ri tơlah nơm oh mon hađăch dơi geh nau yô̆ tanăp măt hađăch, prơh hom gâp hăn ma n'gor Yuđa, tât ta ƀon geh môch phung chô yau gâp, gay ma gâp dơi ndâk ƀon nây đŏng.”

Nêhêmi 5:14

Rlau ma nây, ntơm bơh nar bu njêng gâp ƀư kôranh chiă uănh tâm n'gor bri Yuđa, jêng ntơm bơh năm rơh bar jât tât ma năm rơh pe jât ma bar nôk rô̆ hađăch Artasersês, lĕ rngôch jêng jât ma bar năm, gâp jêh ri phung oh nâu gâp mâu kêh prăk nkhôm prăp ma kôranh chiă uănh.

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsai 61:4

Khân păng mra rdâk tay lĕ ntŭk rlâm rai rnôk kăl e, Rdâk đŏng lĕ ntŭk rngot njăp panăp; Nkra tay lĕ rngôch ƀon rai jêh, Jêng lĕ ntŭk rngot njăp hŏ âk năm jêh.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.