Nêhêmi 2:5 - Nau Brah Ndu Ngơi 2023

⁵ jêh nây gâp lah ma hađăch: “Tơlah hađăch maak nuih n'hâm jêh ri tơlah nơm oh mon hađăch dơi geh nau yô̆ tanăp măt hađăch, prơh hom gâp hăn ma n'gor Yuđa, tât ta ƀon geh môch phung chô yau gâp, gay ma gâp dơi ndâk ƀon nây đŏng.”

Nêhêmi 2:5 Iomraidhean Croise

II Samuel 14:22

Y-Jôap păn muh măt ta neh jêh ri mbah, jêh ri ăn nau ueh uĭn ma hađăch. Y-Jôap lah: “Hơi hađăch, kôranh gâp, nar aơ oh mon may gĭt jêh gâp geh nau yô̆ tanăp măt hađăch, yorlah hađăch hŏ ƀư jêh nau oh mon dăn.”

Êsra 5:17

Pôri aƀaơ, tơlah hađăch mĭn ueh, ăn bu sek uănh joi hom tâm ntŭk jrô prăp lĕ ndơ khlay ngih hađăch ta Babilôn, gay saơ gĭt lah ngăn hađăch Sirus ăn samƀŭt nau ntrŭnh ndâk đŏng ngih brah ma Brah Ndu ta ƀon Yêrusalem mâu lah mâu. Pakơi nây, dăn hađăch ăn samƀŭt nau ntrŭnh ma nau kan aơ.”

Nêhêmi 2:4

Hađăch ôp ma gâp: “Moh nau may ŭch dăn?” Gâp mbơh sơm ma Brah Ndu tâm lĕ ndâr trôk,

Nêhêmi 2:6

Nôk nây geh hađăch bu ur gŭ đŏng êp hađăch. Hađăch ôp ma gâp: “Ndah jŏ may mra hăn jêh ri mra plơ̆ sĭt tay?” Pôri hađăch lŏng nuih n'hâm prơh gâp hăn jêh ri gâp mbơh ma hađăch năng nar gâp mra hăn jêh ri năng nar gâp mra plơ̆ sĭt tay.

Êsther 1:19

Yor ri, tơlah hađăch maak nuih n'hâm, ăn hađăch njuăl samƀŭt ntrŭnh nau ăn ma bu nchih tâm ndrom samƀŭt nau vay n'gor bri Persi jêh ri Mêdơ gay lơi ăn bu rgâl ôh, ma H'Vasti mâu mra dơi văch đŏng tanăp hađăch Asuêrus ôh. Ăn hađăch jao nau păng jêng hađăch bu ur ma nơm êng ueh lơn ma păng.

Êsther 5:8

Tơlah gâp geh jêh nau yô̆ tanăp măt hađăch, jêh ri tơlah hađăch maak nuih n'hâm ăn ndơ gâp dăn jêh ri ndơ gâp ŭch, ăn hađăch jêh ri Y-Haman văch râng nau sông sa gâp mra nkra ta nar ôi taơ, jêh nây gâp mra ƀư tĭng nâm nau hađăch lah.”

Êsther 7:3

Hađăch bu ur H'Êsther plơ̆ lah: “Hơi hađăch, tơlah gâp geh nau yô̆ tanăp may jêh ri tơlah di nau hađăch mĭn, dăn may rklaih nau rêh gâp jêh ri nau rêh phung ƀon lan gâp.

Êsther 8:5

Păng lah: “Tơlah di nau hađăch mĭn, tơlah gâp geh nau yô̆ tanăp măt hađăch, jêh ri tơlah hađăch saơ nau aơ jêng di jêh ri tơlah gâp ƀư ueh ma măt hađăch, dăn ma hađăch ntrŭnh gay chalơi lĕ samƀŭt Y-Haman, kon bu klâu Y-Hamêdatha, bunuyh Agak, hŏ nchră nchih njuăl jêh gay ƀư rai lơi phung Yuđa gŭ tâm lĕ rngôch n'gor bri hađăch.

Nau Hôr 3:4

Pôri tanăp măt Brah Ndu jêh ri kon bunuyh, May mra dơi joi nau ueh uĭn jêh ri nau blau mĭn ngăn.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Mathay 23:27

Rêh ni yơh ma khân may, hơi phung kôranh nchih samƀŭt jêh ri phung Pharisi jêng phung nuih n'hâm nklă! Yorlah khân may nâm bu lĕ môch mhĭng klo nglang, padih uănh ueh ngăn, ƀiălah tâm trôm bêng nting bunuyh khĭt jêh ri đah ăp ntil ƀơ̆ ƀơch.

Bu ur Rut 2:13

H'Rut ơh pô aơ: “Ơ kôranh! Dăn ăn gâp geh nau yô̆ tra năp kôranh yorlah kôranh hŏ bonh leng jêh ri ngơi ma bâr rah rơch ma gâp jêng oh mon bu ur kôranh, nđâp lah gâp mâu tâm ban ma phung oh mon bu ur kôranh ôh!”