Nêhêmi 2:3 - Nau Brah Ndu Ngơi 2023

³ Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Nêhêmi 2:3 Iomraidhean Croise

I Phung Hađăch 1:31

H'Batsêba păn muh măt ta neh, mbah tanăp măt hađăch jêh ri lah: “Ăn hađăch Đavit, kôranh gâp, mro mrăng!”

II Phung Hađăch 25:8

Tâm nar pơh tâm khay prăm, năm rơh jât ma sĭn rnôk rô̆ hađăch Nêbukatnetsar chiă uănh, hađăch Babilôn, kôranh phung tahan gak Y-Nêbusaradan, du huê oh mon hađăch Babilôn, tât tâm ƀon Yêrusalem.

II Nau Rêh Jêng 21:20

Y-Jôram hao klơ sưng hađăch nôk geh pe jât ma bar năm, jêh ri păng chiă uănh pham năm ta Yêrusalem. Păng khĭt mâu geh ôh bunuyh klâng ndrê ma păng. Bu tâp păng tâm ƀon Đavit, ƀiălah mâu dơm tâm môch phung hađăch ôh.

II Nau Rêh Jêng 28:27

Hađăch Y-Ahas khĭt hăn gŭ ndrel phung che păng, jêh ri bu tâp păng tâm ƀon Yêrusalem, ƀiălah bu mâu njŭn ôh păng ma môch phung hađăch Israel. Jêh ri Y-Hêsêkia kon bu klâu păng chiă uănh thoi ntrok păng.

II Nau Rêh Jêng 32:33

Y-Hêsêkia khĭt hăn gŭ ndrel ma phung chô yau păng, jêh ri bu tâp păng tâm môch klơ dor yôk ma kon sau Y-Đavit. Lĕ rngôch phung Yuđa jêh ri phung gŭ tâm ƀon Yêrusalem tâm mpơl nau yơk ma păng da dê tâm nar păng khĭt. Y-Manasê, kon bu klâu păng, chiă uănh thoi ntrok păng.

II Nau Rêh Jêng 36:19

Khân păng su ngih Brah Ndu, mbang rlâm mpêr ƀon toyh Yêrusalem, sŏk ŭnh su lĕ ngih hađăch, jêh ri ƀư rai lĕ ƀhiau lĕ ndơ khlay tâm ƀon.

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 2:13

Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Êsther 8:6

Yorlah mâm gâp uănh saơ nau mhĭk tât ma phung ƀon lan gâp? Mâu lah mâm gâp saơ nau ƀư rai phung ndŭl mpôl gâp?”

Nau Mprơ Ơm 102:14

Phung oh mon May rŏng ma ăp găr lŭ Siôn Jêh ri yô̆ nđach ma lĕ ndruyh neh păng đŏng.

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 137:6

Tơlah gâp mâu kah gĭt đah may, Mâu uănh Yêrusalem jêng nau răm maak toyh ma gâp, Ăn mpiăt gâp krêp đah rmlông trôm mbung gâp!

Nau Mprơ Ơm 38:7

Yorlah ndŭr kơi gâp duh ngăn nâm bu ŭnh sa, Jêh ri puăch ntâu gâp mâu geh nau ntŭk ueh.

Yêrêmi 52:12

Tâm nar jât khay prăm, năm rơh jât ma sĭn Y-Nêbukatnetsar chiă uănh, hađăch Babilôn, Y-Nêbusaradan kôranh phung tahan gak, gŭ êp hađăch Babilôn, lăp tâm ƀon Yêrusalem.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Daniel 2:4

Phung Kaldê lah ma hađăch tâm nau ngơi Aramêk pô aơ: “Ơ hađăch gŭ rêh n'ho ro! Ăn may nkoch nau mbơi ma phung oh mon may, jêh ri hên mra rblang an.”

Daniel 3:9

Khân păng lah ma hađăch Nêbukatnetsar pô aơ: “Ơ hađăch, ăn may gŭ rêh n'ho ro!

Daniel 5:10

Tăng nau phung hađăch jêh ri phung kôranh toyh păng ngơi, mê̆ hađăch lăp tâm jrô sông sa. Mê̆ păng lah: “Ơ hađăch gŭ rêh n'ho ro! Lơi ăn nau may mĭn geh nau rŭng răng, muh măt jêng êr!

Daniel 6:21

Y-Daniel plơ̆ lah ma hađăch: “Ăn nau ueh ma may gŭ rêh n'ho ro!

Daniel 6:6

Phung kôranh toyh jêh ri phung kôranh nkual ndrel hăn tanăp hađăch jêh ri lah: “Hađăch Darius gŭ rêh n'ho ro!

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.