Nêhêmi 2:18 - Nau Brah Ndu Ngơi 2023

¹⁸ Gâp mbơh ma khân păng ma mpang ti ueh Brah Ndu hŏ kâp kơl gâp jêh ri tâm ban lĕ ma nau ngơi hađăch mbơh jêh ma gâp. Khân păng lah: “Kay lŏng, ăn he ntơm ndâk njêng tay ro!” Pôri, khân păng janh ktang tâm rnglăp ƀư nau kan ueh aơ.

Nêhêmi 2:18 Iomraidhean Croise

II Samuel 2:7

Ăn ti khân may jêng ktang, mpơl hom khân may jêng phung nanh janh; yorlah Y-Sôl, kôranh khân may lĕ khĭt jêh, ƀiălah ngih Yuđa hŏ tŏ dak ƀâu kah ta gâp ăn jêng hađăch ma khân păng.”

I Nau Rêh Jêng 11:10

Aơ jêng phung kôranh ma phung tahan janh ktang Y-Đavit; phung kơl jêh păng tâm ƀon bri hađăch păng, jêh ri ndrel ma lĕ rngôch phung Israel gay njêng Y-Đavit jêng hađăch di nâm nau Brah Yêhôva ngơi jêh ma phung Israel.

I Nau Rêh Jêng 19:13

Ƀư dăng ktang hom, nâp nuih n'hâm hom! Yor phung ƀon lan he, yor ma ƀon Brah Yêhôva dĭng he tâm lơh. Dăn Brah Yêhôva ƀư tĭng nâm nau Păng mĭn ueh.”

II Nau Rêh Jêng 32:5

Păng ƀư ngăn yơh, ndâk tay lĕ rngôch mpêr ƀon hŏ mplŭng jêh, jêh ri ndâk ngih tŭm klơ ăn prêh đê̆, jêh ri ndâk đŏng mpêr êng mpeh padih. Păng ƀư dŭt nâp Milô tâm ƀon Đavit, jêh ri păng ƀư âk tak keng jêh ri khêl.

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

I Samuel 23:16

Nôk nây Y-Jônathan, kon Y-Sôl, hăn trong văch ma Y-Đavit ta Hêres, kơl păng nâp nuih n'hâm, rnơm nsing ma Brah Ndu.