Nêhêmi 2:17 - Nau Brah Ndu Ngơi 2023

¹⁷ Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 2:17 Iomraidhean Croise

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 2:13

Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Nêhêmi 2:16

Phung kôranh chiă uănh mâu gĭt ôh ntŭk gâp hăn jêh ri moh ndơ gâp ƀư, yor ri gâp ê hŏ mbơh ôh ma phung Yuđa, ma phung kôranh ƀư brah, ma phung ndrŏng, ma phung kôranh chiă uănh mâu lah ăn ma phung mra ƀư pah kan, gĭt moh nau gâp ƀư.

Nêhêmi 3:15

Y-Salum, kon bu klâu Y-Kôl-Hôsê, kôranh chiă uănh nkual Mispa, nkra mpông pêr Dak N'hor. Păng ndâk nkra đŏng, nkŭm chor, ntrŭp mpông, mâng nđăng jêh ri rnăng păng. Păng ndâk đŏng mpir jŭm nglau Silôê, dăch ta n'gar trao hađăch, tât ma ntung gung tă bơh ƀon Đavit hăn trŭnh.

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 44:13

May ƀư hên jêng ndơ ăn bêk ma phung chiau meng hên, Ƀư ndơ bu gơm mưch jêh ri jêng nơm khư bu mưch ma phung gŭ jŭm.

Nau Mprơ Ơm 44:14

May ƀư ma hên jêng nau ngơi ta nklang lĕ bri dak, Tâm phung mpôl băl bunuyh mbu saơ hên ăt rteh bôk.

Nau Mprơ Ơm 79:12

Ơ Kôranh Brah, dăn mplơ̆ lơi ro ma lĕ bri dak văr jŭm hên bar âk lơn tơ̆ pơh. Ma nau khân păng ƀư mhĭk jêh ma May.

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Nau Nhĭm Vơl 2:2

Kôranh Brah rvăn lĕ ntŭk Yakôb gŭ Mâu geh nau yô̆ djê̆ lê̆ ôh; Tâm nau ji nuih, Păng ƀư rlâm lơi lĕ pôih nâp kon druh Yuđa; Ƀư rai jêh ri ƀư nau bêk prêng, Lĕ rngôch ƀon bri hađăch nđâp ma phung kôranh chiă uănh.

Nau Nhĭm Vơl 3:51

Măt gâp ƀư ji ngăn ma huêng gâp Yorlah mrô nal ma phung bu ur druh tâm ƀon.

Êsêkiêl 5:14

Gâp mra njêng may ntŭk rngol jêh ri plơ̆ jêng nau bêk prêng tâm lĕ bri dak văr jŭm may jêh ri tanăp măt phung prot rgăn.

Mika 7:11

Nar ndâk tay mpêr ƀon mra tât, Jêng nar pơk huy n'har bri.

I Samuel 11:2

Y-Nahas, bunuyh Ammôn, lah ma khân păng: “Gâp mra ƀư nau tâm rnglăp ma khân may tĭng nau aơ: Rloch lơi măt pa ma lĕ rngôch phung khân may, gay ƀư bêk prêng lĕ rngôch phung Israel.”