Nêhêmi 2:13 - Nau Brah Ndu Ngơi 2023

¹³ Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Nêhêmi 2:13 Iomraidhean Croise

II Nau Rêh Jêng 26:9

Y-Usia ndâk lĕ ngih tŭm ta Yêrusalem, ta mpông pêr Njônh, ta mpông pêr Rlŭng jêh ri ta mpông pêr njônh mpir, ƀư ma lĕ ngih tŭm nây nâp ktang.

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 12:31

Rnôk nây, gâp lah phung kôranh chiă uănh tâm phung Yuđa hao ta klơ mpêr ƀon, jêh nây tâm nkhah jêng bar mbŭch hăn tâm groi ndrel gay tâm rnê lah ueh ma Kôranh Brah. Du mbŭch hăn mpeh pa ma ta klơ mpêr ƀon, rlet mpeh mpông pêr Ndjah.

Nêhêmi 2:12

Gâp jêh ri phung ƀaƀă hăn ndrel gâp, dâk hăn klong măng, gâp mâu ăn du huê nuyh gĭt ôh moh nau Brah Ndu hŏ dơm jêh tâm nuih n'hâm gâp gay ŭch ƀư ma Yêrusalem. Rlau ma nây seh bri gâp ncho mâu hôm geh ôh mpô mpa êng ndrel ma gâp.

Nêhêmi 2:15

Yor nây, tâm dôl măng gâp hăn njŏ tĭng trong rlŭng gay sek uănh mpêr ƀon; jêh nây gâp plơ̆ sĭt tay, lăp ntŭk mpông pêr Rlŭng, jêh ri gâp plơ̆ sĭt.

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.