Nêhêmi 2:12 - Nau Brah Ndu Ngơi 2023

¹² Gâp jêh ri phung ƀaƀă hăn ndrel gâp, dâk hăn klong măng, gâp mâu ăn du huê nuyh gĭt ôh moh nau Brah Ndu hŏ dơm jêh tâm nuih n'hâm gâp gay ŭch ƀư ma Yêrusalem. Rlau ma nây seh bri gâp ncho mâu hôm geh ôh mpô mpa êng ndrel ma gâp.

Nêhêmi 2:12 Iomraidhean Croise

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nêhêmi 2:11

Pôri, gâp tât Yêrusalem jêh ri gŭ ta nây pe nar.

Nêhêmi 2:13

Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Nau Hôr 12:23

Bunuyh blau mâu ngơi ntưih ôh nau gĭt blau, Nuih n'hâm phung rluk mpơl nau brŭt ndrăng

Nơm Nti 3:7

Geh năng hêk sat, geh năng jĭm njĭr; Geh năng gŭ rklăk, geh năng ngơi;

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Amôt 5:13

Yor nây, tâm rnôk tâm ban pô aơ, nơm blau mĭn mra gŭ klăk klêm Yorlah rnôk aơ jêng rnôk djơh mhĭk.

Mika 7:5

Lơi ta iăt nchroh ôh bunuyh chiau meng Jêh ri lơi ăn ôh nuih n'hâm may rnơm nsing mĭt jiăng may; Njrăng hom, lơi dĭng ngơi trôm mbung may Ndrel ma bu ur bê̆ch ta ntang ntơh may.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Mathay 2:14

Dôl măng, Y-Yôsep kah rngăl djôt leo kon se jê̆ jêh ri mê̆ Păng du ndĕ ta Êjipt,

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

Yôsuê 10:9

Pônây Y-Yôsuê tă bơh Gilgal hăn ndăng tâm du măng ang, jêh nây lơh ndal khân păng.

Nau Tâm Mpơl 17:17

Yorlah Brah Ndu ƀư ăn khân păng mĭn ntrâng ƀư nau Păng mĭn tâm du ai nuih n'hâm ndrăng khân păng jao ƀon bri hađăch khân păng nơm ma mpô mpa dŭt janh, ma tât nôk nau ngơi Brah Ndu lĕ tât di ngăn.

Phung Kôranh Phat Dôih 6:27

Y-Gidêôn săch jât nuyh tâm phung oh mon păng jêh ri ƀư tĭng nau Brah Yêhôva hŏ lah ma păng. Yorlah păng klach ma phung bunuyh tâm ngih păng jêh ri ma phung bunuyh tâm ƀon nây rĭ dĭng păng mâu nănh ƀư dôl nôk nar ƀiălah ƀư dôl măng.

Phung Kôranh Phat Dôih 9:32

Pônây, măng aơ, ăn may jêh ri phung bunuyh hăn tĭng may dâk hom, gŭ kâp tâm mir.