Nêhêmi 2:10 - Nau Brah Ndu Ngơi 2023

¹⁰ Tơlah Y-Sanbalat, bunuyh Hôrôn, jêh ri Y-Tôbia jêng oh mon mpôl Ammôn, tăng nau nây, khân păng mâu maak, yorlah bu văch gay joi nau kơl ma phung Israel geh nau ndrŏng.

Nêhêmi 2:10 Iomraidhean Croise

Nêhêmi 13:1

Tâm nar nây, bu răk ndrom samƀŭt Y-Môis ăn phung ƀon lan iăt jêh ri saơ tâm nây geh nchih phung Ammôn jêh ri phung Môap ƀaƀơ n'ho ro mâu dơi lăp ôh tâm nau tâm rƀŭn Brah Ndu,

Nêhêmi 13:28

Du huê tâm phung kon bu klâu Y-Jôada, sau kôranh ƀư brah toyh lơn Y-Êliasip, hŏ nđăp kon druh Y-Sanbalat, phung Hôrôn, yor nau nây gâp mprơh păng du tă bơh gâp.

Nêhêmi 13:4

Êlor ma nau nây, kôranh ƀư brah Y-Êliasip, bu hŏ dơm ăn păng mât uănh lĕ jrô ngih Brah Ndu hên,

Nêhêmi 2:19

Y-Sanbalat, bunuyh Hôrôn, Y-Tôbia jêng oh mon bunuyh Ammôn jêh ri Y-Gesem bunuyh Arabi tăng nau nây, khân păng bêk prêng jêh ri gơm mưch ma hên. Khân păng lah pô aơ: “Moh nau khân may ƀư aơ? Khân may tâm rdâng đah hađăch lĕ?”

Nêhêmi 4:7

Ƀiălah tơlah Y-Sanbalat, Y-Tôbia, phung Arabi, phung Ammôn jêh ri phung Asdôt tăng nau ndâk nkra mpêr ƀon Yêrusalem lơ hao jêh ri lĕ ntŭk bluh lĕ tâm jĭr ndrel jêh, khân păng ji nuih hâu ngăn.

Nêhêmi 6:1

Tơlah Y-Sanbalat, Y-Tôbia, Y-Gesem jêng bunuyh Arabi, jêh ri phung rlăng êng đŏng, khân păng tăng nau gâp hŏ rdâk nkra jêh mpêr ƀon jêh ri mâu hôm geh ntŭk bluh ôh (nđâp lah nôk nây gâp ê-hŏ ntrŭp seng mpông ta n'gâng pêr)

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Êsther 10:3

Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Nau Mprơ Ơm 112:10

Bunuyh ƀai saơ nau nây jêh ri ji nuih, Rket sêk jêh ri roh rai; Nau phung ƀai ŭch mra rai lôch.

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Nau Hôr 30:22

Ntơ dĭk dơi hao jêng hađăch, Bunuyh rluk dơi hơm ngăn ma ndơ sông sa,

Nơm Nti 10:7

Gâp ăt saơ phung dĭk bu ncho seh, Tâm dôl lĕ phung kôranh mra hăn jâng nâm bu dĭk.

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Yêrêmi 41:10

Jêh nây Y-Ismaêl nhŭp ƀư bu nă lĕ rngôch phung bunuyh ƀon lan hôm klen tâm ƀon Mispa, nây jêng phung kon bu ur hađăch jêh ri lĕ rngôch ƀon lan bu om gŭ ta ƀon Mispa, Y-Nêbusaradan kôranh toyh phung tahan gak hŏ jao jêh ăn ma Y-Gêdalia, kon bu klâu Y-Ahikam. Y-Ismaêl, kon bu klâu Y-Nêthania, nhŭp jêh ri ƀư khân păng nây jêng bu nă, jêh nây hăn rgăn ntŭk phung ƀon lan Ammôn.

Yêrêmi 48:34

Bâr nhĭm vơl tă bơh Hêsbôn tât ma Êlêaleh, jêh ri Jahas, tă bơh ma ƀon Sôar kŏ tât ma Hôrônaim jêh ri Êglat-Sêlisija. Yorlah nđâp ma n'hor dak ƀon Nimrim ăt suăt tâm ban lĕ.”

Yêrêmi 48:5

Hao yôk Luhit, Khân păng hao n'ho ma nhĭm mâu rlu Jŭr sop ƀon Hôrônaim, Tăng bâr nau nter nđêng rngot klâng yor nau ƀư rai.

Kôranh Oh Mon 4:2

Khân păng ji nuih ngăn yorlah bar hê khân păng ntĭm nti ma phung ƀon lan jêh ri mbơh pô aơ Brah Yêsu geh nau dâk rêh tay tă bơh nau khĭt.

Kôranh Oh Mon 5:24

Kôranh chiă uănh ngih brah jêh ri phung kôranh ƀư brah toyh tăng lĕ nau ngơi nây, geh nau uh ah ma phung oh mon jêh ri mâu gĭt nau nây mra tât mâm nau.