Nêhêmi 13:31 - Nau Brah Ndu Ngơi 2023

³¹ Gâp đă đŏng phung ƀon lan nhhơr long tĭng tâm nal, tâm ban đŏng nhhơr lĕ play bôk yan bơh neh. “Hơi Brah Ndu gâp, dăn kah gĭt hom ma gâp jêh ri yô̆ an ma gâp!”

Nêhêmi 13:31 Iomraidhean Croise

Nêhêmi 10:34

Hên jêng phung kôranh ƀư brah, phung Lêvi jêh ri phung ƀon lan, tâm nchroh ma nau nhhơr lŏng ăp năm tĭng năng hŏ tâm nal jêh, tĭng nâm ăp ndŭl mpôl jêh ri djôt leo tât ta ngih Brah Ndu gay su long nây ta klơ nơng ƀư brah ma Yêhôva Brah Ndu hên, tĭng nâm nau hŏ nchih tâm nau vay.

Nêhêmi 10:35

Hên tâm nal đŏng ăp năm djôt leo kao play bôk yan tă tâm neh hên jêh ri lĕ ntil play tơm si bôk yan hên tât ma ngih Brah Yêhôva.

Nêhêmi 10:38

Phung kôranh ƀư brah, kon sau Y-Arôn, mra hăn ndrel phung Lêvi, tơlah khân păng sŏk pi du kô̆ tâm jât; jêh nây khân păng mra djôt leo ndơ du kô̆ tâm jât nây ma tât ngih Brah Ndu hên, bun ăn tâm lĕ jrô prăp drăp ndơ kloh ueh.

Nêhêmi 13:14

“Hơi Brah Ndu gâp! Yor ma nau aơ, kah gĭt an ma gâp jêh ri lơi ta jut lĕ kan ueh gâp hŏ ƀư jêh ma ngih Brah Ndu, jêh ri ma nau pah kan Păng.”

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Nau Mprơ Ơm 106:4

Ơ Brah Yêhôva, ăn kah gĭt ma gâp tơlah May ƀư nau ueh ma phung ƀon lan May! Chop khâl gâp tơlah May tâm rklaih khân păng.

Nau Mprơ Ơm 25:7

Lơi ta kah gĭt lĕ nau tih gâp, dôl hôm ndăm, mâu lah nau tâm rdâng gâp; Ơ Brah Yêhôva, kah gĭt tât ma gâp tĭng nâm nau yô̆ nđach Jêh ri nuih n'hâm ueh May.

Luka 23:42

Jêh nây păng lah: “Hơi Brah Yêsu, tơlah May lăp ta ƀon bri hađăch May nơm jêh, dăn kah gĭt ma gâp!”