Nêhêmi 13:3 - Nau Brah Ndu Ngơi 2023

³ Tơlah phung ƀon lan hŏ tăng jêh nau vay nây, phung ƀon lan tâm nkhah lĕ phung bu năch bơh phung Israel.

Nêhêmi 13:3 Iomraidhean Croise

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Êsra 9:2

Khân păng jêh ri phung kon bu klâu khân păng hŏ sŏk jêh phung kon bu ur phung nây, ăn jêng ur ma khân păng nơm, ƀư ma noi deh kloh ueh hŏ tâm pot đah phung ntil mpôl bunuyh gŭ tâm n'gor aơ. Nanê̆, phung kôranh jêh ri phung kôranh chiă uănh jêng phung ƀư tih jâk lơn.”

Nêhêmi 10:28

Phung ƀon lan hôm klen, phung kôranh ƀư brah, phung Lêvi, phung gak mpông pêr, phung mprơ, phung pah kan ta ngih brah, jêh ri lĕ rngôch phung nđâp ma ur kon bu klâu, kon bu ur khân păng tâm nkhah đah lĕ phung ƀon lan tâm n'gor bri khân păng gay tông tĭng nau vay Brah Ndu; lĕ rngôch jêng phung geh nau dơi jêh ri nau gĭt rbăng,

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 119:9

Mâm bunuyh mom mra ƀư tâm trong păng nơm gay geh nau kloh? Ăn njrăng ƀư tĭng nau ngơi Kôranh Brah.

Nau Ngluh Êjipt 12:38

Geh âk đŏng phung bu năch hăn ndrel, djôt leo âk ngăn phung biăp jêh ri mpô mpa rong.

Nau Hôr 6:23

Yorlah nau vay ntăm jêng ŭnh kađen, nau vay jêng nau ang, Jêh ri nau nduyh lah ntĭm nti jêng trong hăn ma nau rêh,

Nau Kơp Bunuyh 11:4

Phung bu năch gŭ ta nklang phung Israel geh nau ŭch kơnh ndơ sông sa kŏ tât phung ƀon lan Israel nhĭm đŏng pô aơ: “Mbu sâm ăn ma hên sa puăch?

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.