Nêhêmi 13:29 - Nau Brah Ndu Ngơi 2023

²⁹ “Hơi Brah Ndu gâp! Dăn lơi chuêl ôh jêng khân păng hŏ ƀư ƀơ̆ ƀơch nau kan kôranh ƀư brah jêh ri nau tâm rnglăp ma nau kan kôranh ƀư brah jêh ri ma phung Lêvi.”

Nêhêmi 13:29 Iomraidhean Croise

Nêhêmi 6:14

“Hơi Brah Ndu gâp! Kah gĭt hom ma Y-Tôbia jêh ri Y-Sanbalat tĭng nâm lĕ nau kan khân păng ƀư jêh; tâm ban lĕ kah gĭt hom ma H'Nôadia, nơm mbơh lor bu ur jêh ri phung nơm mbơh lor êng hŏ ƀư jêh ma gâp klach!”

Kan Lêvi 21:15

kơt nây, păng mâu mra ƀư nau đit prêng noi deh ndŭl mpôl dăch păng, yorlah Gâp jêng Brah Yêhôva, Nơm ƀư kloh ueh păng.’”

Kan Lêvi 21:23

ƀiălah păng mâu dơi hăn dăch bok nching mâu lah hăn dăch nơng ƀư brah ôh, yorlah păng geh ntŭk kuet ji. Kơt nây păng mâu ngơi sưr ôh ta lĕ ntŭk kloh ueh Gâp, yorlah Gâp jêng Brah Yêhôva, Nơm ƀư kloh ueh lĕ ntŭk nây.’”

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.