Nêhêmi 13:28 - Nau Brah Ndu Ngơi 2023

²⁸ Du huê tâm phung kon bu klâu Y-Jôada, sau kôranh ƀư brah toyh lơn Y-Êliasip, hŏ nđăp kon druh Y-Sanbalat, phung Hôrôn, yor nau nây gâp mprơh păng du tă bơh gâp.

Nêhêmi 13:28 Iomraidhean Croise

Êsra 10:8

Tâm pe nar, tơlah mbu mâu văch ôh tĭng nâm nau ntrŭnh bơh phung kôranh jêh ri phung bu ranh ntăm; bu mra sŏk drăp ndơ păng, jêh ri păng nơm bu nsot lơi bơh tâm phung âk ndrel ma phung bu nă mhe plơ̆ sĭt tâm n'gor.

Nêhêmi 12:10

Y-Jêsua bă Y-Jôyakim; Y-Jôyakim bă Y-Êliasip; Y-Êliasip bă Y-Jôada;

Nêhêmi 12:22

Nau nchih amoh săk tâm ndrom samƀŭt phung kôranh ndŭl mpôl phung Lêvi jêh ri phung kôranh ƀư brah hŏ ƀư tâm rô̆ kôranh ƀư brah toyh lơn Y-Êliasip, Y-Jôada, Y-Jôhanan jêh ri Y-Jadua. Tât tâm rô̆ Darius chiă uănh, jêng hađăch n'gor Persi, mâu hôm geh amoh tâm ndrom samƀŭt ôh.

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Nêhêmi 2:10

Tơlah Y-Sanbalat, bunuyh Hôrôn, jêh ri Y-Tôbia jêng oh mon mpôl Ammôn, tăng nau nây, khân păng mâu maak, yorlah bu văch gay joi nau kơl ma phung Israel geh nau ndrŏng.

Nêhêmi 2:19

Y-Sanbalat, bunuyh Hôrôn, Y-Tôbia jêng oh mon bunuyh Ammôn jêh ri Y-Gesem bunuyh Arabi tăng nau nây, khân păng bêk prêng jêh ri gơm mưch ma hên. Khân păng lah pô aơ: “Moh nau khân may ƀư aơ? Khân may tâm rdâng đah hađăch lĕ?”

Nêhêmi 3:1

Kôranh ƀư brah toyh lơn Y-Êliasip ndrel ma phung oh nâu păng nơm jêng phung kôranh ƀư brah, ntơm ndâk mpông pêr Biăp jêh ri prăp ăn păng jêng kloh jêh nây dơm bar seng mpông. Khân păng thoi đŏng rdâk tât ma vâl tŭm Mêa jêh ri prăp ăn păng jêng kloh tât ma vâl tŭm Y-Hananel.

Nêhêmi 4:1

Tơlah Y-Sanbalat tăng ma hên gŭ ndâk nkra mpêr ƀon; păng ji nuih hâu ngăn jêh ri mưch rmot ma phung Yuđa.

Nau Mprơ Ơm 101:8

Ăp ôi, gâp mra ƀư rai Lĕ rngôch phung ƀai tâm n'gor, Mprơh lĕ rngôch phung mhĭk Bơh ƀon Brah Yêhôva.

Nau Hôr 20:26

Hađăch blau mĭn ôp sek phung mhĭk, Jêh ri ăn jâng ndeh njot klơ khân păng.

Nau Hôr 20:8

Hađăch gŭ ta klơ sưng phat dôih, Rle măt păng ôp sek lĕ rngôch nau mhĭk.