Nêhêmi 13:25 - Nau Brah Ndu Ngơi 2023

²⁵ Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Nêhêmi 13:25 Iomraidhean Croise

II Phung Hađăch 2:24

Păng n'gĭl uănh pakơi jêh ri sŏk amoh Brah Yêhôva gay rak rtăp khân păng. Ta nây ro geh bar mlâm kau me luh tă bơh tâm krŏng, kăp nkhêk puăn jât ma bar nuyh tâm phung kon se ndăm nây.

Êsra 10:5

Y-Êsra dâk, lah ma phung kôranh ƀư brah toyh, phung Lêvi, jêh ri lĕ rngôch phung Israel sơm ton pô aơ khân păng mra ƀư tĭng nâm nau hŏ lah jêh. Khân păng ton sơm ro.

Êsra 7:26

Tơlah geh bunuyh mâu ŭch tông ôh nau vay Brah Ndu may jêh ri nau vay hađăch, ăn khân may phat dôih ro ma păng, mâu lah ma nau khĭt, mâu lah ma nau ƀư dĭk, mâu lah sŏk lĕ rngôch drăp ndơ păng mâu lah krŭng.”

Nêhêmi 13:11

Gâp nduyh phung kôranh chiă uănh jêh ri lah: “Mâm ƀư ngih Brah Ndu bu chalơi pônây?” Jêh nây gâp kuăl rgum khân păng jêh ri dơm khân păng plơ̆ pah kan ƀoi ơm.

Nêhêmi 13:17

Rnôk nây gâp nduyh ma phung ndrŏng tâm phung Yuđa pô aơ: “Mâm ƀư khân may ƀư nau mhĭk aơ gay ƀư ƀơ̆ nar saƀat?

Nêhêmi 13:24

Du n'gul phung kon khân păng ngơi nau phung Asdôt mâu lah ngơi nau phung mpôl băl êng, ƀiălah mâu gĭt nau ngơi phung Yuđa.

Nêhêmi 5:13

Gâp ăt rtuh ntôr ao jâr gâp jêh ri lah: “Mbu mâu ƀư tĭng nau ton aơ, dăn ma Brah Ndu rtuh hom lĕ ngih jêh ri drăp ndơ păng. Pônây bu mra rtuh lơi păng jêh ri nsoih tâm ti păng tâm ban pônây!” Lĕ rngôch phung tâm rƀŭn lah: “Amen” jêh ri khân păng tâm rnê ma Brah Yêhôva. Pôri phung ƀon lan ƀư tĭng nâm nau ton nây da dê.

Nêhêmi 5:6

Tơlah gâp tăng nau khân păng nter, ngơi ƀrôk, gâp geh nau ji nuih ngăn.

Nau Mprơ Ơm 119:53

Gâp ji nuih hâu ngăn, Dôl phung ƀai chalơi nau vay May.

Nau Mprơ Ơm 15:4

Păng mưch rmot ma phung djơh mhĭk, Ƀiălah yơk ma phung blau yơk ma Brah Yêhôva; Păng hŏ ton jêh Nđâp tơlah nau huach ăt mâu rgâl ôh;

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Nau Hôr 28:4

Phung chalơi nau vay tâm rnê ma phung djơh, Bi ma phung mât prăp nau vay tâm rdâng đah khân păng.

Êsai 50:6

Gâp jao jêh ndŭr kơi Gâp ăn bu dong, Jêh ri jao trô bom Gâp ma phung păk têp kang Gâp; Gâp mâu mâp pôn măt Ma nau bu ƀư bêk mâu lah bu soh dak diu ta măt.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

Nau Vay Nkah Tay 7:3

Lơi tâm gŭ ur sai đah khân păng ôh, lơi ăn phung kon bu ur khân may ma phung kon bu klâu khân păng jêh ri lơi sŏk phung kon bu ur khân păng ma phung kon bu klâu khân may,

Yôsuê 23:12

Tơlah khân may plơ̆ nuih n'hâm jêh ri tâm rnglăp đah phung ndŭl mpôl êng hôm gŭ ta nklang khân may jêh ri khân may tâm gŭ ur sai đah phung nây, mâu lah tâm rnglăp ndrel ma khân păng,