Nêhêmi 13:16 - Nau Brah Ndu Ngơi 2023

¹⁶ Geh lĕ phung Tyre gŭ ta nây, djôt leo đŏng ka jêh ri ăp ntil ndơ tăch ma phung Yuđa ta ƀon Yêrusalem tâm nar saƀat.

Nêhêmi 13:16 Iomraidhean Croise

Nêhêmi 13:15

Tâm lĕ nar nây, gâp saơ tâm phung Yuđa geh bunuyh kĭn play krăk ƀâu tâm nar saƀat, bun lĕ nchăp ba ƀlê klơ ndŭr kơi seh bri, tâm ban đŏng rdeng ndrănh, play krăk ƀâu, play rvi jêh ri ăp ntil kao play, leo rlet ma Yêrusalem tâm nar saƀat. Gâp mbơh jêh ma khân păng, mâu dơi tăch lĕ ndơ sông sa nây tâm nar saƀat.

Nêhêmi 13:17

Rnôk nây gâp nduyh ma phung ndrŏng tâm phung Yuđa pô aơ: “Mâm ƀư khân may ƀư nau mhĭk aơ gay ƀư ƀơ̆ nar saƀat?

Nau Ngluh Êjipt 20:10

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu klâu, kon bu ur, oh mon bu klâu, oh mon bu ur, mpô mpa may rong, jêh ri bu năch gŭ tâm ngih may, mâu dơi lĕ ƀư du ntil kan.

Nau Ngluh Êjipt 23:12

Ăn may ƀư nau kan may nơm tâm prao nar, tât nar tal pơh ăn kon rlu gay ăn ndrôk jêh ri seh bri may dơi rlu, kon bu klâu bơh bu ur dĭk jêh ri phung bu năch dơi sĭt tay n'hâm suan.

Nau Vay Nkah Tay 5:14

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu ur bu klâu, oh mon bu ur oh mon bu klâu, ndrôk, seh bri mâu lah ăp mpô mpa êng may, nđâp ma phung bu năch gŭ tâm ƀon toyh may mâu dơi lĕ ƀư du ntil kan, ăn ma dĭk bu ur dĭk bu klâu may dơi rlu tâm nar nây tâm ban ma may nơm.