Nêhêmi 13:15 - Nau Brah Ndu Ngơi 2023

¹⁵ Tâm lĕ nar nây, gâp saơ tâm phung Yuđa geh bunuyh kĭn play krăk ƀâu tâm nar saƀat, bun lĕ nchăp ba ƀlê klơ ndŭr kơi seh bri, tâm ban đŏng rdeng ndrănh, play krăk ƀâu, play rvi jêh ri ăp ntil kao play, leo rlet ma Yêrusalem tâm nar saƀat. Gâp mbơh jêh ma khân păng, mâu dơi tăch lĕ ndơ sông sa nây tâm nar saƀat.

Nêhêmi 13:15 Iomraidhean Croise

II Nau Rêh Jêng 24:19

Brah Yêhôva đă phung nơm mbơh lor tât ma khân păng, gay njŭn leo khân păng plơ̆ tay ma Brah Yêhôva, ƀiălah khân păng mâu iăt ôh.

Nêhêmi 10:31

Tơlah phung ƀon lan gŭ tâm n'gor nây djôt leo drăp ndơ mâu lah ndơ sông sa tăch tâm nar saƀat mâu lah nar kloh ueh, hên mâu mra rvăt ôh. Tât năm tal pơh, hên mra rlu pah kan mir jêh ri jut lơi lĕ rngôch ntil rnon.

Nêhêmi 10:32

Tâm ban lĕ hên tâm nal ăp năm nhhơr puăn gram prăk ma lĕ nau kan tâm ngih Brah Ndu hên nâm bu:

Nêhêmi 13:16

Geh lĕ phung Tyre gŭ ta nây, djôt leo đŏng ka jêh ri ăp ntil ndơ tăch ma phung Yuđa ta ƀon Yêrusalem tâm nar saƀat.

Nêhêmi 13:21

Gâp nduyh ma khân păng: “Mâm ƀư khân may bê̆ch măng panăp mpêr ƀon tâm ban pônây? Tơlah khân may ƀư kơt nây, gâp mra nhŭp khân may”. Ntơm bơh nar nây, khân păng mâu hôm hăn ôh tâm nar saƀat đŏng.

Nêhêmi 9:29

Kôranh Brah mbơh đŏng ăn khân păng njrăng, gay ƀư ăn khân păng plơ̆ sĭt ma nau vay May. Ƀiălah khân păng gŭ ngao ma nau sưr, mâu tông tĭng ôh ma nau vay ntăm bơh Kôranh Brah. Khân păng ƀư tih đah nau vay ƀư bơh Kôranh Brah, jêng nau vay ƀư ngăn tơlah mbu nơm tông, nanê̆ mra dơi rêh. Khân păng dăng bôk, dăng ko jêh ri mâu ŭch tông bâr ôh.

Ndrom Samƀŭt bơh Yôp 39:12

Ndrôk bri ŭch pah kan ma may lĕ, Mâu lah ŭch kuen bê̆ch du măng tâm hip gơ̆ may lĕ?

Nau Mprơ Ơm 50:7

“Hơi phung ƀon lan Gâp, iăt hom! Gâp mra lah, Hơi Israel, Gâp mra mbơh nau tâm rdâng đah may; Gâp jêng Brah Ndu, nây jêng Brah Ndu may.

Nau Ngluh Êjipt 31:12

Brah Yêhôva lah ma Y-Môis:

Nau Ngluh Êjipt 31:16

Yor ri, ăn phung ƀon lan Israel djôt prăp nar saƀat, gay tâm lĕ rngôch rô̆ tâm ban du nau tâm rnglăp n'ho ro.

Nau Ngluh Êjipt 34:21

Ăn may pah kan tâm prao nar, ƀiălah tâm nar tal bơh ăn may rlu nđâp lah dôl jik kai mâu lah yan kăch.

Nau Ngluh Êjipt 35:2

Bu mra pah kan tâm prao nar; ƀiălah ăn khân ay may djôt prăp nar tal pơh ƀư nar kloh ueh, jêng nar saƀat jêng nar rlu, prăp ma Brah Yêhôva. Mbu nơm ƀư ăp ntil kan tâm nar nây, bu mra nkhĭt păng.

Nau Hôr 28:4

Phung chalơi nau vay tâm rnê ma phung djơh, Bi ma phung mât prăp nau vay tâm rdâng đah khân păng.

Êsai 58:13

Tơlah may plơ̆ sĭt, prăp jâng may lơi ƀư ƀơ̆ nar saƀat, Mâu ƀư tĭng nau mĭn may ŭch tâm nar kloh ueh Gâp; Tơlah may uănh nar saƀat jêng nar nau maak, Nar kloh ueh Brah Yêhôva khư bu yơk; Tơlah may yơk nar nây, Mâu ƀư ôh tĭng nâm trong may nơm, Jêh ri mâu lĕ ngơi nau dơm dam;

Yêrêmi 17:24

Brah Yêhôva lah: ‘Tơlah khân may gơih iăt Gâp, mâu tung mbăk lăp lĕ mpông ƀon nây tâm nar saƀat, ƀiălah gĭt prăp êng nar saƀat jêng kloh ueh jêh ri mâu ƀư moh nau kan tâm nar nây,

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 42:19

Ơ phung Yuđa hôm e klen, Brah Yêhôva hŏ lah jêh ma khân may: ‘Lơi ta hăn ôh ma n'gor bri Êjipt.’ Ăn khân ay may gĭt rah vah ngăn nar aơ gâp mbơh jêh ăn ma khân ay may.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Mika 6:3

“Hơi phung ƀon lan Gâp, moh nau Gâp hŏ ƀư jêh ma may? Moh nau Gâp ƀư dĭng rgănh ir ma may? Plơ̆ lah hom ma Gâp!

Kôranh Oh Mon 2:40

Y-Pêtrôs dŏng âk nau mbơh nkoch gay ma nsŭk nsôr khân păng pô aơ: “Khân may rklaih hom khân may nơm klaih tă bơh phung ndŭl mpôl tih mhĭk aơ!”

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

Galati 5:3

Gâp mbơh tay ma lĕ rngôch bunuyh tuy dơn nau koh ntâu pô aơ khân păng nchâp djôt prăp lĕ rngôch nau vay.

Êphêsô 4:17

Pôri, tâm Kôranh Brah, gâp lah jêh ri nkah khân may lơi gŭ rêh nâm bu phung bu năch ôh, yorlah khân păng gŭ rêh tĭng nau mĭn dơm dam khân păng nơm.

Nau Vay Nkah Tay 8:19

Tơlah khân may chuêl hêng Yêhôva Brah Ndu khân may jêh ri kơt tĭng lĕ brah êng, pah kan jêh ri yơk mbah ma khân păng, pôri nar aơ gâp mbơh ma khân may pô aơ n'hêl nanê̆ khân may mra rai lôch.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.