Nêhêmi 13:10 - Nau Brah Ndu Ngơi 2023

¹⁰ Gâp lĕ gĭt tâm ban lĕ, bu mâu ăn ôh ndơ sông sa ma phung Lêvi, yor nây, phung mprơ jêh ri phung Lêvi gŭ pah kan hŏ du sĭt da dê jêh rlet ma mir khân păng nơm.

Nêhêmi 13:10 Iomraidhean Croise

II Nau Rêh Jêng 31:4

Hađăch ntĭnh ma phung ƀon lan gŭ ta ƀon Yêrusalem ăn siăm ma phung kôranh ƀư brah jêh ri phung Lêvi, gay ma khân păng dơi pah kan lĕ nuih n'hâm di nâm nau vay Brah Yêhôva hŏ dăp.

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nêhêmi 10:39

Yorlah phung ƀon lan Israel jêh ri phung Lêvi mra djôt leo lĕ ndơ nhhơr nâm bu ba ƀlê, ndrănh jêh ri dak ngi ôlive mhe lăp tâm lĕ jrô nây, jêng ntŭk bu prăp lĕ ndơ dŏng tâm ngih brah kloh ueh, jêng ntŭk phung kôranh ƀư brah gŭ gay pah kan, phung gak mpông, jêh ri phung mprơ. Pôri hên mâu mra chalơi ôh ngih Brah Ndu hên.

Nêhêmi 12:47

Tâm rnôk rô̆ Y-Sôrôƀaƀel jêh ri Y-Nêhêmi, lĕ rngôch phung Israel ăn ndơ sông sa ăp nar ma phung mprơ jêh ri phung gak njrăng mpông pêr. Khân păng tâm ban đŏng prăp êng ndơ sông sa ma phung Lêvi, jêh ri phung Lêvi prăp êng ndơ sông sa ma phung kôranh ƀư brah, phung kon sau Y-Arôn.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Malachi 3:8

“Bu dơi sa ntŭng đŏng ndơ Brah Ndu? Ƀiălah khân may lĕ sa ntŭng jêh ndơ Gâp!” Ƀiălah khân may hŏ lah: “Hŏ geh hên sa ntŭng ndơ Kôranh Brah?” “Khân may hŏ ntŭng jêh tâm lĕ ndơ du kô̆ tâm jât jêh ri tâm lĕ ndơ ƀư brah nhhơr.

Nau Kơp Bunuyh 35:2

“Ntĭnh hom ma phung ƀon lan Israel ăn ma phung Lêvi lĕ ƀon sŏk bơh drăp ndơn khân păng nơm gay ăn khân păng dơi gŭ. Ăn đŏng ma phung Lêvi lĕ mir gơ̆ jŭm lĕ ƀon nây.

Nau Vay Nkah Tay 12:19

Njrăng hom, tâm lĕ năng nar khân may gŭ rêh tâm n'gor lơi dĭng chuêl ôh ma phung Lêvi.