Nêhêmi 12:43 - Nau Brah Ndu Ngơi 2023

⁴³ Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nêhêmi 12:43 Iomraidhean Croise

II Nau Rêh Jêng 20:13

Lĕ rngôch phung Yuđa, nđâp phung ur, phung kon se, gŭ dâk panăp Brah Yêhôva da dê.

II Nau Rêh Jêng 20:27

Lĕ rngôch phung Yuđa jêh ri phung gŭ tâm ƀon Yêrusalem, bơh Y-Jôsaphat hăn lor panăp, plơ̆ sĭt rlet ƀon Yêrusalem ma nau răm maak, yorlah Brah Yêhôva hŏ ƀư ăn ma khân păng hâk răm, yor ma phung rlăng khân păng lĕ roh rai jêh.

II Nau Rêh Jêng 7:10

Nar bar jât ma pe khay pơh, păng ăn phung ƀon lan hăn sĭt rlet ngih vâl khân păng nơm. Nuih n'hâm lĕ rngôch bunuyh răm maak jêh ri hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, ma Y-Salômôn jêh ri ma phung ƀon lan Israel Păng.

Êsra 3:13

Bu mâu gĭt năl ôh bâr răm rhơn ma đah bâr phung nter nhĭm, yorlah phung ƀon lan troh nter hâu ngăn jêh ri bâr nter nây huy ăp ntŭk.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nêhêmi 12:42

geh đŏng Y-Maseya, Y-Sêmaya, Y-Êlêasar, Y-Usi, Y-Jêhôhanan, Y-Malkija, Y-Êlam jêh ri Y-Êser. Phung mprơ bơh Y-Jêsrahia gai bâr mprơ huy.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 27:6

Aƀaơ gâp mra n'gơr bôk Prêh lơn lĕ phung rlăng nchueng jŭm gâp; Tâm ngih bok Păng, Gâp mra nhhơr ndơ ƀư brah ma bâr mprơ răm maak; Gâp mra mprơ maak jêh ri tâm rnê ma Brah Yêhôva.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 9:2

Ơ Nơm Dŭt Prêh, Gâp mra hâk maak jêh ri răm rhơn tâm May; Gâp mra mprơ tâm rnê ma amoh May.

Nau Mprơ Ơm 92:4

Ơ Brah Yêhôva, May ƀư maak jêh ma gâp yor kan May; Jêh ri maak răm ma nau kan bơh ti May.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Nau Kơp Bunuyh 10:10

Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Mathay 21:15

Ƀiălah phung kôranh ƀư brah toyh jêh ri phung kôranh nchih samƀŭt saơ lĕ nau mbên khlay Păng ƀư, jêh ri tăng phung kon se nter ktang tâm ngih brah: “Hôsana ma Kon Y-Đavit,” khân păng ji nuih ngăn

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Yôhan 16:22

Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may.

Êphêsô 5:19

Ăn khân may dŏng nau mprơ ơm, samƀŭt nau mprơ, jêh ri lĕ nau mprơ tâm pă uănh; mprơ, tâm rnê hom ma Kôranh Brah ma lĕ nuih n'hâm.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.

I Samuel 4:5

Tơlah Hip Nau Tâm Rnglăp Brah Yêhôva lăp tâm pôih tahan, lĕ rngôch phung Israel troh nter huy da dê ngăn, kŏ tât n'gơ n'găr neh.