Nêhêmi 12:39 - Nau Brah Ndu Ngơi 2023

³⁹ jêh ri hăn ta klơ mpông pêr Êphraim, dăch kêng mpông pêr Ơm, mpông pêr Ka, vâl tŭm Y-Hananel jêh ri vâl tŭm Mêa tât ma mpông pêr Biăp. Jêh nây khân păng nsrŭng ta mpông pêr Gak.

Nêhêmi 12:39 Iomraidhean Croise

II Phung Hađăch 14:13

Y-Jôas, hađăch Israel, nhŭp Y-Amasia, hađăch Yuđa, kon Y-Jôas, sau Y-Ahasia ta Bet-Sêmes. Jêh nây Y-Jôas hăn tât ta Yêrusalem, ƀư rlâm lĕ mpêr ƀon ntơm bơh mpông pêr Êphraim tât ta mpông pêr Njônh, tâm du bông jong bar rhiăng met.

Nêhêmi 12:40

Pôri bar mbŭch tâm rnê lah ueh nây nsrŭng tâm ngih Brah Ndu, gâp jêh ri du n'gul phung kôranh chiă uănh ƀư nâm bu nây lĕ,

Nêhêmi 3:1

Kôranh ƀư brah toyh lơn Y-Êliasip ndrel ma phung oh nâu păng nơm jêng phung kôranh ƀư brah, ntơm ndâk mpông pêr Biăp jêh ri prăp ăn păng jêng kloh jêh nây dơm bar seng mpông. Khân păng thoi đŏng rdâk tât ma vâl tŭm Mêa jêh ri prăp ăn păng jêng kloh tât ma vâl tŭm Y-Hananel.

Nêhêmi 3:25

Y-Pala, kon bu klâu Y-Uxai, nkra ntŭk tâm tra đah njônh ƀon jêh ri vâl tŭm prêh klơ ngih hađăch ta ndring ngih phung tahan gak. Jêh păng geh Y-Pêdaya, kon bu klâu Y-Parôs, nkra tay mpêr ƀon.

Nêhêmi 3:3

Kon sau Y-Hasêna ndâk njêng mpông pêr Ka. Khân păng dơm n'gâng jêh ri ntrŭp mpông dah mâng nđăng jêh ri rnăng păng.

Nêhêmi 3:6

Y-Jôada, kon bu klâu Y-Pasêa jêh ri Y-Mêsulam, kon bu klâu Y-Bêsôdia, ndâk nkra tay mpông pêr Ơm; khân păng dơm n'gâng, ntrŭp mpông păng, mâng nđăng jêh ri rnăng păng.

Nêhêmi 8:16

Pôri phung ƀon lan hăn joi jêh ri djôt sĭt lĕ ntil n'ha si nây jêh ri ăp nơm ƀư ngih ndưp ta klơ chor ngih khân păng nơm, padih ndring, tâm nkual nhuang ngih Brah Ndu, tâm nkual toyh tanăp mpông pêr Dak jêh ri nkual toyh tanăp mpông pêr Êphraim.

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Yêrêmi 32:2

Tâm rnôk nĕ, phung tahan hađăch Babilôn gŭ nchueng lơh ƀon Yêrusalem, bi ma nơm mbơh lor Y-Yêrêmi dôl bu krŭng tâm nhuang ngih phung tahan gak tâm ngih hađăch Yuđa.

Sôphôni 1:10

Brah Yêhôva lah: “Tâm nar nây, Mra geh bâr nter huy bơh mpông pêr Ka, Nau nhĭm nter ta ntŭk Nkual Tal Bar, Nteh rlâm chah lĕ bơh phung yôk.

Yôhan 5:2

Ta ƀon Yêrusalem, dăch mpông Biăp, geh du nglao dak, nau ngơi Hêbrơ rnha jêng Ƀêthehđa. Nglao nây geh prăm đôr mpông.