Nêhêmi 12:36 - Nau Brah Ndu Ngơi 2023

³⁶ jêh ri phung oh nau păng jêng Y-Sêmaya, Y-Asarel, Y-Milalai, Y-Gilalai, Y-Mai, Y-Nêthanel, Y-Yuđa jêh ri Y-Hanani, djôt dĭng mprơ Y-Đavit, bunuyh Brah Ndu. Kôranh nchih samƀŭt Y-Êsra chuat hăn panăp khân păng.

Nêhêmi 12:36 Iomraidhean Croise

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Êsra 7:1

Pakơi jêh nau nây, tâm rnôk rô̆ Artasersês, hađăch Persi, geh Y-Êsra jêng kon bu klâu Y-Sêraya,

Êsra 8:1

Aơ jêng phung kôranh ƀon jêh ri phung bunuyh tă bơh Babilôn plơ̆ sĭt ndrel ma gâp kơp tĭng nâm noi deh, tâm rnôk rô̆ hađăch Artasersês chiă uănh:

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 12:35

jêh ri phung kon bu klâu bơh phung kôranh ƀư brah djôt nŭng uh jêng Y-Sakari, kon bu klâu Y-Jônathan, sau Y-Sêmaya, se Y-Matania, săn Y-Mikaya jêng kon bu klâu Y-Sakur, sau Y-Asap,

Amôt 6:5

Bâr khân may mprơ lă lêng gay tâm vơt đah nteh gong rêng, Jêh ri njêng lĕ gong rêng ma khân păng nơm nâm bu Đavit.

Nau Kơp Bunuyh 1:8

ndŭl mpôl Isakar geh Y-Nêthanel, kon bu klâu Y-Suar;