Nêhêmi 12:27 - Nau Brah Ndu Ngơi 2023

²⁷ Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nêhêmi 12:27 Iomraidhean Croise

II Samuel 6:12

Bu mbơh ma hađăch Y-Đavit, “Brah Yêhôva hŏ ăn jêh nau ueh uĭn ma ngih Ôbet-Êđôm jêh ri lĕ ndơ păng geh yor hip Brah Ndu.” Pôri, Y-Đavit hăn vơt Hip Nau Tâm Rnglăp Brah Ndu ta ngih Y-Ôbet-Êđôm plơ̆ sĭt ma ƀon Đavit ma nau răm maak.

I Phung Hađăch 8:63

Y-Salômôn nhhơr mpa ƀư brah ma Brah Yêhôva, geh bar rmưn bar rbăn mlâm ndrôk jêh ri du rsen bar rmưn biăp nkuăng ƀư ndơ ƀư brah ma nau đăp mpăn. Pônây, hađăch jêh ri lĕ rngôch phung ƀon lan Israel nhhơr ngih brah ma Brah Yêhôva.

I Nau Rêh Jêng 13:8

Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

I Nau Rêh Jêng 15:12

Hađăch lah ma khân păng: “Khân may jêng kôranh ma phung noi deh Lêvi. Pônây, ƀư kloh hom khân may nơm jêh ri phung oh nâu khân may, pôri khân may dơi tung Hip Nau Tâm Rnglăp Yêhôva Brah Ndu Israel ma ntŭk gâp dăp nkra jêh.

I Nau Rêh Jêng 15:16

Tâm ban đŏng Y-Đavit ntĭnh ma phung kôranh Lêvi ăn dơm kan phung oh nâu khân păng jêng phung mprơ mra kreh gong rêng, uh n'hôm, rgu nteh dang ăn huy gay geh bâr nteh hâk răm.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 15:4

Y-Đavit ăt tâm rƀŭn đŏng phung kon sau Y-Arôn jêh ri phung Lêvi:

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 16:5

Y-Asap jêng kôranh, Y-Sakari jêng nơm rơh bar, jêh nây geh Y-Jêhiêl, Y-Sêmiramôt, Y-Jêliêl, Y-Matithia, Y-Êliap, Y-Bênaya, Y-Ôbet-Êđôm, jêh ri Y-Jêiêl; khân păng geh kan kreh lĕ gong tâm ban gong rêng jêh ri gong rêng loih, bi Y-Asap rgu dang nteh ăn huy ngăn.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

I Nau Rêh Jêng 26:31

Tâm noi deh Y-Hêbron, geh Y-Jêrija jêng kôranh tâm noi deh. Tâm năm rơh puăn jât rnôk rô̆ hađăch Đavit chiă uănh, bu kơp rnoh bunuyh noi deh Y-Hêbron, tĭng ăp noi deh khân păng, jêh ri saơ ta nklang khân păng geh phung dăng janh ta ƀon Jaser tâm n'gor Gilêat.

II Nau Rêh Jêng 29:25

Hađăch dơm phung Lêvi tâm ngih Brah Yêhôva djôt dang, gong rêng jêh ri n'hôm, tĭng nâm nau vay ntrŭnh bơh Y-Đavit, jêh ri Y-Gat, jêng nơm geh nau tâm saơ ma hađăch, jêh ri bơh nơm mbơh lor Y-Nathan ntăm; yorlah nau ntrŭnh nây luh bơh Brah Yêhôva dŏng bâr mbung phung nơm mbơh lor Păng ntĭm nti.

II Nau Rêh Jêng 29:30

Hađăch Hêsêkia jêh ri phung kôranh ntĭnh ma phung Lêvi mprơ tâm rnê ma Brah Yêhôva ma lĕ nau mprơ Y-Đavit jêh ri Y-Asap, nơm geh nau tâm saơ. Khân păng mprơ nau tâm rnê ma Kôranh Brah tâm nau răm maak, jêh ri khân păng chon mon yơk mbah.

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Êsra 6:16

Phung ƀon lan Israel, phung kôranh ƀư brah, phung Lêvi, jêh ri lĕ rngôch phung êng lĕ plơ̆ sĭt tă ƀư bu nă, văch râng da dê nau rƀŭn nhhơr ngih brah ma Brah Ndu bêng ma nau hâk răm.

Nêhêmi 11:20

Lĕ phung Israel êng, phung kôranh ƀư brah, phung Lêvi, gŭ tâm ăp ƀon n'gor bri Yuđa, ăp nơm gŭ tâm drăp ndơn khân păng nơm.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nêhêmi 8:17

Lĕ rngôch phung tâm rƀŭn phung ƀư bu nă lĕ plơ̆ sĭt, ƀư lĕ ngih ndưp jêh ri gŭ tâm ngih ndưp nây. Ntơm bơh rô̆ Y-Yôsuê, kon bu klâu Y-Nun, n'ho tât ma nar nây, phung ƀon lan Israel mâu mâp ƀư toyh nâm bu pônây ôh. Khân păng bêng nau rhơn răm ngăn ngên.

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 30:1

Ơ Kôranh Brah! Gâp tâm rnê Păng yorlah Păng chông gâp hao, Mâu ăn ôh phung rlăng răm maak yor gâp.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 20:5

Nôk nây phung kôranh chiă uănh mra ngơi ma phung ƀon lan pô aơ: ‘Mbu nơm mhe ndâk jêh du mlâm vâl mhe jêh ri ê năn nhhơr? Ăn păng sĭt ta vâl păng, yorlah tơlah păng khĭt tâm nau tâm lơh jêh ri nơm êng ƀơh mra nhhơr ngih nây.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.