Nêhêmi 12:25 - Nau Brah Ndu Ngơi 2023

²⁵ Y-Matania, Y-Bakbukia, Y-Ôbadia, Y-Mêsulam, Y-Talmôn jêh ri Y-Akup jêng phung gak mpông pêr, phung nây dâk djôt prăp lĕ jay êp kêng mpông pêr ngih brah.

Nêhêmi 12:25 Iomraidhean Croise

II Phung Hađăch 7:10

Khân păng hăn ro, kuăl phung tahan gak mpông ƀon, jêh ri mbơh nau nây: “Hên geh hăn tât ta pôih tahan phung Aram, mâu saơ du huê gŭ ta nây jêh ri ăt mâu tăng nteh n'găr lĕ. Hên knŏng saơ phung seh jêh ri seh bri hôm kât ta n'gâng, bi lĕ ngih bok chalơi ăt hôm nâm bu saơm.”

I Nau Rêh Jêng 23:32

Khân păng tâm ban đŏng djôt kan chiă uănh Ngih Bok Nau Tâm Rƀŭn jêh ri Ntŭk Kloh Ueh, jêh nây kơl phung kon sau Y-Arôn, jêng phung oh nâu khân păng, gay pah kan tâm ngih Brah Yêhôva.

I Nau Rêh Jêng 26:12

Aơ jêng mbŭch phung mât njrăng mpông pêr ndrel ma phung kôranh mbŭch tĭng nâm di tâm ndăch gay pah kan tâm ngih Brah Yêhôva tâm ban ma phung oh nâu khân păng.

I Nau Rêh Jêng 26:15

Nau tâm nchroh mât njrăng mpông pêr mpeh pa dâng di ma Y-Ôbet-Êđôm; bi phung kon păng, kâp njrăng jay prăp drăp khlay.

I Nau Rêh Jêng 26:17

Ăp nar geh prao nuyh phung Lêvi gak mpông pêr mpeh luh nar, puăn nuyh gak mpông pêr mpeh pa lơ, puăn nuyh gak mpông pêr mpeh pa dâng, jêh ri ta lĕ jay prăp drăp khlay geh đŏng bar hê.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Êsai 21:8

Nơm gak kuăl huy: “Ơ Kôranh Brah, gâp gŭ râng lôch nar ta tŭm gak, Gâp gŭ ta ntŭk gâp gak lôch măng.