Nêhêmi 12:1 - Nau Brah Ndu Ngơi 2023

¹ Aơ jêng phung kôranh ƀư brah jêh ri phung Lêvi plơ̆ sĭt tâm n'gor ndrel ma Y-Sôrôƀaƀel, kon bu klâu Y-Sêaltiêl, jêh ri ma Y-Jêsua: Y-Sêraya, Y-Yêrêmi, Y-Êsra.

Nêhêmi 12:1 Iomraidhean Croise

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Êsra 3:8

Khay bar năm rơh bar, tơlah khân păng tât jêh ta ngih Brah Ndu ta Yêrusalem, Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, ndrel ma lĕ rngôch phung oh nâu khân păng ƀaƀă, jêng phung kôranh ƀư brah, phung Lêvi, nđâp ma lĕ rngôch phung tă bơh nau ƀư bu nă hŏ plơ̆ sĭt ta Yêrusalem, ntơm pah kan ndâk ngih brah. Khân păng dơm kan ma phung Lêvi, ntơm bơh bar jât năm klơ, ăn khân păng mât uănh nau pah kan ndâk ngih brah Brah Yêhôva.

Êsra 4:2

khân păng hăn tât ma Y-Sôrôƀaƀel jêh ri ăp kôranh ƀon lah: “Hên ŭch rdâk ndrel ma khân may, yorlah hên joi Brah Ndu tâm ban khân may lĕ, jêh ri hên hŏ ƀư brah ma Păng ntơm bơh rnôk Y-Êsarhadôn, hađăch Asiri, jêng nơm hŏ njŭn hên văch ta aơ.”

Êsra 5:2

Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, mhe tăng nau ngơi Kôranh Brah mbơh nkoch, khân păng ro ntơm ndâk ngih Brah Ndu ta ƀon Yêrusalem, ndrel ma nau kơl bơh phung nơm mbơh lor Brah Ndu.

Êsra 7:7

Năm tal pơh, rnôk rô̆ hađăch Artasersês, geh ƀaƀă tâm phung Israel glom phung kôranh ƀư brah, phung Lêvi, phung kâp mprơ, phung gak njrăng mpông pêr, jêh ri phung pah kan ma ngih brah ndrel ma păng hăn hao rlet Yêrusalem.

Nêhêmi 11:36

Jêh ri geh ƀaƀă mpôl phung Lêvi tâm n'gor Yuđa tâm rnglăp jêh đah phung Benjamin.

Nêhêmi 12:10

Y-Jêsua bă Y-Jôyakim; Y-Jôyakim bă Y-Êliasip; Y-Êliasip bă Y-Jôada;

Nêhêmi 12:2

Y-Amaria, Y-Maluk, Y-Hatus

Nêhêmi 7:7

Khân păng plơ̆ sĭt ndrel ma Y-Sôrôƀaƀel, Y-Jêsua, Y-Nêhêmi, Y-Asaria, Y-Ramia, Y-Nahamani, Y-Môrdêkai, Y-Bilsan, Y-Mispêret, Y-Bikvai, Y-Nêhum, Y-Bana. Aơ jêng rnoh phung bu klâu tâm Israel hŏ dơi kơp:

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.

Ndrom Samƀŭt bơh Agê 2:2

“Ôp hom ma kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm e klen, pô aơ:

Sakari 6:11

Ăn may sŏk dơn prăk jêh ri mah nây ƀư du mlâm đon hađăch, jêh ri ndô klơ bôk kôranh ƀư brah toyh lơn Y-Yôsuê, kon bu klâu Y-Jêhôsadak.