Nêhêmi 10:34 - Nau Brah Ndu Ngơi 2023

³⁴ Hên jêng phung kôranh ƀư brah, phung Lêvi jêh ri phung ƀon lan, tâm nchroh ma nau nhhơr lŏng ăp năm tĭng năng hŏ tâm nal jêh, tĭng nâm ăp ndŭl mpôl jêh ri djôt leo tât ta ngih Brah Ndu gay su long nây ta klơ nơng ƀư brah ma Yêhôva Brah Ndu hên, tĭng nâm nau hŏ nchih tâm nau vay.

Nêhêmi 10:34 Iomraidhean Croise

I Nau Rêh Jêng 24:5

Khân păng dơi tâm pă ma nau nchroh n'hôr tĭng mbŭch, ntơm bơh mbŭch nây tât ma mbŭch ri; yorlah phung kôranh ma ntŭk kloh ueh jêh ri phung kôranh ma kan Brah Ndu tâm phung kon sau Y-Êlêasar jêh ri phung kon sau Y-Ithamar.

I Nau Rêh Jêng 24:7

Tâm nchroh ntơm saơm di ma Y-Jêhôyarip, tơ̆ bar di ma Y-Jêdaya,

II Nau Rêh Jêng 2:3

Y-Salômôn njuăl nơm mbơh hăn gay lah ma Y-Hiram, hađăch ƀon Tyre: “May hŏ ăn jêh tơm si sêdar ma Y-Đavit, mbơ̆ gâp, gay ndâk ngih hađăch, pônây lĕ sâm ƀư ăn ma gâp đŏng.

Êsra 3:5

Pakơi nây, khân păng nhhơr lĕ ndơ ƀư brah gŭch ƀaƀơ, nđâp ma lĕ ndơ ƀư brah ta nar bôk khay mhe jêh ri ta lĕ rngôch nar rƀŭn khư yơk prăp ma nau kloh ueh ma Brah Yêhôva, tâm ban đŏng lĕ ndơ ƀư brah ma ăp nơm ŭch nhhơr ma Brah Yêhôva.

Nêhêmi 11:1

Phung kôranh chiă uănh tâm phung ƀon lan gŭ ta ƀon Yêrusalem jêh ri phung ƀon lan hôm e tâm nchroh gay tâm phung jât nuyh geh du huê nuyh gŭ ta ƀon Yêrusalem jêng ƀon kloh ueh, bi sĭn nuyh ri gŭ tâm lĕ ƀon êng êng.

Nêhêmi 13:31

Gâp đă đŏng phung ƀon lan nhhơr long tĭng tâm nal, tâm ban đŏng nhhơr lĕ play bôk yan bơh neh. “Hơi Brah Ndu gâp, dăn kah gĭt hom ma gâp jêh ri yô̆ an ma gâp!”

Nau Hôr 18:18

Nau sŏk nchroh dơi ƀư ăn lôch nau tâm rlăch Jêh ri rblang ta nklang phung geh nau dơi toyh.

Êsai 40:16

Bri Liban mâu tŏng ôh long sŭnh ŭnh, Lĕ rngôch mpô mpa gŭ ta nây mâu tŏng ƀư ndơ ƀư brah gŭch.

Kan Lêvi 24:5

“Sŏk hom rnih môi, gŭch jât ma bar mpơng piăng let, ăp mpơng nhueh jâk bar kilô,

Kan Lêvi 24:6

jêh ri ăn may dăp păng bar mbor, prao mlâm tâm du mbor, ta klơ sưng ndop ma mah kloh tra năp Brah Yêhôva.

Nau Kơp Bunuyh 28:2

“Đă hom nau ntăm aơ ma phung ƀon lan Israel jêh ri lah: ‘Ăn khân may nhhơr ma Gâp tâm di yan lĕ ndơ ƀư brah jêh ri ndơ sông sa gay ƀư ndơ ƀư brah, ăn ŭnh sa nhhơr hao geh n'hôl ƀâu kah ma Gâp.’

Kôranh Oh Mon 1:26

Khân păng nchroh di ma Y-Mathias, jêh ri bu ăn păng nglăp tâm phung jât ma nguay kôranh oh mon.

Yôsuê 9:27

Ntơm bơh nar nây, Y-Yôsuê đă khân păng chôk long, bâk dak ma phung tâm rƀŭn jêh ri ma nơng ƀư Brah Yêhôva tâm ntŭk Păng săch kŏ tât ta nar aơ.