Nêhêmi 10:32 - Nau Brah Ndu Ngơi 2023

³² Tâm ban lĕ hên tâm nal ăp năm nhhơr puăn gram prăk ma lĕ nau kan tâm ngih Brah Ndu hên nâm bu:

Nêhêmi 10:32 Iomraidhean Croise

Nau Ntơm 28:22

Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

I Nau Rêh Jêng 26:27

Khân păng prăp êng kloh ueh lĕ ndơ hŏ pit sŏk tâm nau tâm lơh, gay nhhơr ma nau nkra ngih Brah Yêhôva.

Nêhêmi 13:15

Tâm lĕ nar nây, gâp saơ tâm phung Yuđa geh bunuyh kĭn play krăk ƀâu tâm nar saƀat, bun lĕ nchăp ba ƀlê klơ ndŭr kơi seh bri, tâm ban đŏng rdeng ndrănh, play krăk ƀâu, play rvi jêh ri ăp ntil kao play, leo rlet ma Yêrusalem tâm nar saƀat. Gâp mbơh jêh ma khân păng, mâu dơi tăch lĕ ndơ sông sa nây tâm nar saƀat.

Nêhêmi 13:18

Mâu di hĕ phung chô yau khân may kăl e hŏ ƀư jêh kơt nây, kŏ tât Brah Ndu he ăn tât jêh lĕ nau mhĭk nây ma he jêh ri ma ƀon Yêrusalem? Bi khân may ƀư ƀơ̆ đŏng nar saƀat, gay ƀư ăn nau ji nuih Păng ntop âk ma phung Israel!”

Nêhêmi 13:21

Gâp nduyh ma khân păng: “Mâm ƀư khân may bê̆ch măng panăp mpêr ƀon tâm ban pônây? Tơlah khân may ƀư kơt nây, gâp mra nhŭp khân may”. Ntơm bơh nar nây, khân păng mâu hôm hăn ôh tâm nar saƀat đŏng.

Nêhêmi 5:10

Gâp, phung oh nâu gâp jêh ri phung oh mon gâp, ăn khân păng manh prăk jêh ri ba ƀlê. Pôri ăn he jut lơi nau rnon aơ!

Nêhêmi 9:14

Kôranh Brah ƀư ăn khân păng gĭt nar saƀat kloh ueh Kôranh Brah. Jêh ri ăn jêh ma khân păng lĕ nau vay ntăm, lĕ nau vay ƀư jêh ri nau vay Ma Y-Môis jêng oh mon Kôranh Brah.

Nau Ngluh Êjipt 23:11

Ƀiălah tât năm tal pơh ăn neh rlu, mâu tuch tăm ôh gay ma phung o ach tâm phung ƀon lan may dơi joi ndơ sông sa tă bơh nây; moh ndơ hôm e klen ăn mpô mpa mra sa tâm mir. May ƀư kơt nây đŏng ndơ tâm đang krăk ƀâu jêh ri đang ôlive khân may nơm.

Nau Hôr 3:9

Sŏk hom drăp ndơ jêh ri kao play yan dak bôk Gay tâm rnê Brah Yêhôva;

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.