Nêhêmi 10:31 - Nau Brah Ndu Ngơi 2023

³¹ Tơlah phung ƀon lan gŭ tâm n'gor nây djôt leo drăp ndơ mâu lah ndơ sông sa tăch tâm nar saƀat mâu lah nar kloh ueh, hên mâu mra rvăt ôh. Tât năm tal pơh, hên mra rlu pah kan mir jêh ri jut lơi lĕ rngôch ntil rnon.

Nêhêmi 10:31 Iomraidhean Croise

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

Nêhêmi 13:23

Tâm lĕ nar nây, gâp saơ phung Yuđa sŏk ur phung Asdôt, Ammôn, jêh ri Môap.

Nêhêmi 13:27

Mâm ƀư he tăng nau khân may ƀư nau djơh toyh ngăn, tâm rdâng đah Brah Ndu ma nau khân may sŏk bu ur phung bu năch?”

Nau Ngluh Êjipt 12:16

Nar tal nguay, khân may mra geh nau tâm rƀŭn kloh ueh; tât nar tal pơh khân may ăt mra geh nau tâm rƀŭn kloh ueh tâm ban lĕ. Tâm lĕ nar nây, khân may mâu dơi ôh ƀư du ntil kan, knŏng ndrăp ndơ sông sa ma ăp nơm ri dơm.

Nau Ngluh Êjipt 20:10

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu klâu, kon bu ur, oh mon bu klâu, oh mon bu ur, mpô mpa may rong, jêh ri bu năch gŭ tâm ngih may, mâu dơi lĕ ƀư du ntil kan.

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 23:21

Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:3

Lĕ rngôch nau kan dơi ƀư tâm prao nar, ƀiălah tal pơh jêng nar saƀat, du nar rlu, jêng nar tâm rƀŭn kloh ueh, khân may mâu dơi ƀư du ntil kan ôh; nây jêng nar saƀat ma Brah Yêhôva tâm lĕ rngôch ntŭk khân may gŭ.

Mathay 6:12

Yô̆ an ma nau tih hên, Tâm ban ma hên yô̆ an jêh ma bunuyh ƀư tih đah hên;

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.