Nêhêmi 1:9 - Nau Brah Ndu Ngơi 2023

⁹ bi tơlah khân may lah plơ̆ sĭt tay ma Gâp jêh ri djôt prăp lĕ nau vay Gâp ntăm, nđâp lah phung khân may lĕ nchah rai pru pra jêh tât bôl dŭt trôk, Gâp mra rgum tay rƀŭn khân păng plơ̆ sĭt jêh ri djôt leo khân may hăn tât ta ntŭk Gâp hŏ săch gay ăn amoh Gâp gŭ ta nây.’

Nêhêmi 1:9 Iomraidhean Croise

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

I Nau Rêh Jêng 16:35

Lah hom: “Hơi Brah Ndu, Nơm tâm rklaih hên! Tâm rklaih hom hên, Rgum tay hên jêh ri tâm rklaih hên tă bơh lĕ bri dak, Gay ma hên dơi tâm rnê ma amoh kloh ueh Kôranh Brah, Jêh ri geh nau răm maak tâm nau tâm rnê ma May.

Êsra 6:12

Dăn Brah Ndu, Nơm hŏ ƀư ăn jêh amoh Păng gŭ tâm ngih brah nây, mra ƀư rai lơi mbu moh hađăch, mâu lah mbu phung ƀon lan yơr ti ŭch rgâl lơi nau ntrŭnh aơ gay ƀư rai lơi ngih Brah Ndu ta Yêrusalem. Gâp jêng Darius ăn samƀŭt nau ntrŭnh aơ. Srôih hom ƀư ăn di nau aơ!”

Nau Mprơ Ơm 106:47

Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Nau Mprơ Ơm 107:3

Nây jêng phung Păng tâm rgum jêh bơh lĕ n'gor; Bơh mpeh luh nar jêh ri mpeh nhâp nar, Mpeh pa lơ jêh ri mpeh pa dâng.

Nau Mprơ Ơm 147:2

Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Yêrêmi 12:15

Ƀiălah hŏ lôch jêh rôk khân păng, Gâp mra yô̆ nđach tay khân păng jêh ri djôt ăp bunuyh plơ̆ sĭt ma drăp ndơn jêh ri ƀon tơm khân păng.

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Êsêkiêl 14:6

Yor nây, lah hom ma ngih Israel pô aơ: ‘Kôranh Brah Yêhôva lah: Plơ̆ sĭt hom, chalơi rup brah khân may, rle muh măt du tă bơh lĕ nau mhĭk Gâp tâm rmot khân may.

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Kan Lêvi 26:3

Tơlah Khân may hăn tĭng nâm nau vay dăp bơh Gâp, mât mray lĕ nau vay ntăm bơh Gâp jêh ri ƀư tĭng kơt,

Sakari 8:7

Brah Yêhôva ma phung tahan lah: “Aơ, Gâp mra tâm rklaih phung ƀon lan Gâp ntơm bơh mpeh luh nar n'ho tât mpeh nhâp nar.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Nau Vay Nkah Tay 12:21

Tơlah ntŭk Yêhôva Brah Ndu săch gay dơm amoh Păng ngai ir đah ntŭk khân may, pôri khân may dơi nkhĭt ndrôk mâu lah biăp, ndơ Yêhôva Brah Ndu ăn jêh ma khân may tĭng nâm gâp hŏ ntĭnh jêh, jêh nây sa tâm ăp ƀon toyh khân may nơm ndah dŭm khân may ŭch.

Nau Vay Nkah Tay 12:5

Ƀiălah ăn khân may joi ntŭk Yêhôva Brah Ndu mra săch tă bơh ta nklang lĕ rngôch ndŭl mpôl khân may gay dơm amoh Păng, jêng ntŭk Păng gŭ jêh ri jêng ntŭk khân may mra hăn tât.

Nau Vay Nkah Tay 30:1

“Lah lĕ rngôch nau aơ hŏ tât ma khân may, jêng lĕ nau ueh lăng jêh ri nau rak rtăp gâp hŏ tâm mpơl jêh tanăp khân may, jêh ri lah khân may dôl rêh ta nklang ăp bri dak Yêhôva Brah Ndu nsot jêh ăn khân may tât, khân may kah gĭt mĭn rvê tay ma nau nây