Nêhêmi 1:7 - Nau Brah Ndu Ngơi 2023

⁷ Hên hŏ ƀư jêh lĕ nau djơh mhǐk tâm rdâng đah Kôranh Brah, mâu djôt prăp ôh nau vay ntăm, nau vay dăp jêh ri nau vay ƀư bơh May hŏ ntĭnh nti jêh Y-Môis jêng oh mon May.

Nêhêmi 1:7 Iomraidhean Croise

I Phung Hađăch 2:3

Djôt prăp hom moh nau Yêhôva Brah Ndu ŭch ma may djôt prăp, chuat tâm trong Păng, djôt prăp lĕ nau vay dăp, lĕ nau vay ntăm jêh ri lĕ nau vay ƀư, jêh ri nau Păng nti tĭng nâm hŏ nchih jêh tâm nau vay Y-Môis, gay ăn may geh nau dơi jêng tâm lĕ rngôch kan may ƀư jêh ri ta lĕ rngôch ntŭk may hăn.

II Nau Rêh Jêng 25:4

Ƀiălah păng mâu nkhĭt phung kon khân păng, tĭng ntil nau hŏ nchih jêh tâm ndrom samƀŭt nau vay Y-Môis, di nâm bu Brah Yêhôva hŏ ntăm jêh: “Mê̆ mbơ̆ mâu mra khĭt yor phung kon, phung kon tâm ban lĕ mâu mra khĭt yor mê̆ mbơ̆; ƀiălah ăp nơm mra khĭt yor nau tih păng nơm.”

II Nau Rêh Jêng 27:2

Păng ƀư di tanăp măt Brah Yêhôva tĭng nâm lĕ rngôch nau mbơ̆ păng Y-Usia hŏ ƀư jêh; ƀiălah păng mâu lăp ôh tâm ngih Brah Yêhôva, bi phung ƀon lan ăt hôm ƀư blă blơ.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 89:31

Tơlah khân păng ƀư tih đah nau vay dăp Gâp, Mâu djôt prăp ôh lĕ nau vay Gâp ntăm,

Nau Mprơ Ơm 89:32

Pôri gâp mra tâm rmal ma mâng rvĕ nau khân păng uh ah, Jêh ri sŏk nau mhĭk gay ma tâm rmal nau tih khân păng.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Kan Lêvi 27:34

Nây jêng nau vay Brah Yêhôva ntăm đă Y-Môis ntăm tay ma phung ƀon lan Israel ta klơ yôk Sinai.

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Malachi 4:4

“Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Nau Vay Nkah Tay 4:1

“Hơi phung Israel, aƀaơ aơ gŭ iăt hom lĕ nau vay dăp jêh ri lĕ nau vay gâp ƀư nti khân may. Djôt prăp hom lĕ nau nây gay ma khân may dơi rêh gay lăp dơn n'gor Yêhôva Brah Ndu phung chô yau khân may ăn ma khân may jêng drăp ndơn.

Nau Vay Nkah Tay 4:5

Aơ, gâp nti jêh ma khân may lĕ nau vay dăp jêh ri lĕ nau vay ƀư di nâm bu Yêhôva Brah Ndu gâp ntĭnh ntăm jêh ma gâp, gay ma khân may djôt prăp dôl gŭ tâm n'gor, khân may mra lăp dơn jêng drăp ndơn.

Nau Vay Nkah Tay 5:1

Y-Môis kuăl rgum lĕ rngôch phung ƀon lan Israel jêh ri lah: “Hơi Israel, iăt hom, lĕ nau vay dăp jêh ri lĕ nau vay ƀư nar aơ gâp ntuh ăn khân may tăng, ăn khân may nti jêh ri blau njrăng ƀư tĭng nâm nau nây.

Nau Vay Nkah Tay 6:1

“Aơ jêng nau vay ntăm, lĕ nau vay dăp jêh ri lĕ nau vay ƀư bơh Yêhôva Brah Ndu khân may ntăm jêh ma gâp ntĭm nti tay khân may, gay khân may djôt prăp nôk gŭ tâm n'gor khân may bơi hăn lăp dơn ƀư drăp ndơn.

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”