Nêhêmi 1:6 - Nau Brah Ndu Ngơi 2023

⁶ Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nêhêmi 1:6 Iomraidhean Croise

I Phung Hađăch 8:30

Dăn May rkêng tôr iăt nau oh mon May mbơh sơm jêh ri phung ƀon lan Israel May rle ma ntŭk aơ gay mbơh sơm. Bơh ntŭk May gŭ ta klơ trôk, dăn May hŏ tăng jêh ri sâm yô̆ an.

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

II Nau Rêh Jêng 28:10

Aƀaơ ri, khân may ŭch nhŭp tay phung ƀon lan Yuđa jêh ri phung Yêrusalem, bu ur nđâp ma bu klâu njêng dĭk ma khân may ƀơh? Bi ma khân may, mâu di hĕ khân may yơh hŏ ƀư tih đah Yêhôva Brah Ndu ma phung khân may?

II Nau Rêh Jêng 29:6

Yorlah phung che he hŏ ƀư tih jêh, ƀư nau mhĭk tanăp măt Yêhôva Brah Ndu he, chalơi Păng, jêh ri mâu ŭch rle muh măt uănh ma ntŭk Brah Yêhôva gŭ, ndôn kơi ma Păng.

II Nau Rêh Jêng 6:40

Ơ Brah Ndu gâp ơi! Aƀaơ ri, dăn ma măt May uănh treng jêh ri rkêng tôr iăt ma nau mbơh sơm tâm ntŭk aơ.

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 130:2

Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 55:17

Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Nau Mprơ Ơm 88:1

Ơ Yêhôva Brah Ndu jêng nau tâm rklaih gâp, Măng nâm nar gâp kuăl dăn tanăp May.

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Daniel 9:20

Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Daniel 9:4

Pôri gâp mbơh sơm ma Yêhôva Brah Ndu gâp jêh ri mbơh nau tih ma Păng: “Ơ Kôranh Brah, Brah Ndu dŭt prêh klơ jêh ri khư ma nau klach, Nơm djôt prăp nau tâm rnglăp jêh ri nau rŏng ma phung rŏng ma May jêh ri djôt prăp nau vay ntăm bơh May.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Daniel 9:8

Ơ Kôranh Brah, nau bêk, jêng ma hên, jêng ma phung hađăch, jêng ma phung kôranh, jêh ri phung chô yau hên, yorlah hên ƀư tih jêh đah May.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Luka 2:37

jêh nây păng gŭ ndrô, tât aƀaơ păng geh pham jât ma puăn năm. Păng mâu mâp du tă bơh ngih brah, ăt măng nâm nar pah kan ma Brah Ndu, ât sông sa jêh ri mbơh sơm.

Êphêsô 2:3

Lĕ rngôch he gŭ tâm phung nây, hŏ geh tơ̆ he gŭ rêh tĭng lĕ nau nglay săk kơnh ŭch, tĭng groi lĕ nau nglay săk ŭch jêh ri nau mĭn. Pônây, tĭng nau ơm geh ta nglay săk, he jêng kon ma nau ji nuih tâm ban lĕ rngôch bunuyh êng.

I Timôthê 5:5

Mbu nơm jêng bu ur ndrô ngăn, gŭ rêh êng du huê, dơm nau kâp gân tâm Brah Ndu, jêh ri ăn nâp nuih n'hâm măng nâm nar mbơh sơm vơl dăn ma Brah Ndu.

II Timôthê 1:3

Gâp lah ueh ma Brah Ndu, jêng Nơm gâp pah kan ma nuih n'hâm kloh tâm ban phung chô yau gâp hŏ ƀư jêh, lĕ măng nâm nar, gâp kah gĭt ma may ƀaƀơ dôl gâp mbơh sơm.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.