Nêhêmi 1:4 - Nau Brah Ndu Ngơi 2023

⁴ Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 1:4 Iomraidhean Croise

II Samuel 12:16

Yor ma kon Y-Đavit mbơh sơm ma Brah Ndu, hađăch ver ât sông sa jêh ri lăp tâm jrô kuen ta neh du năng kŏ ang.

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Nau Rêh Jêng 6:13

(Păng hŏ ƀư jêh du mlâm râng ƀư ma kông, jong bar met n'gul, dĭ bar met n'gul, prêh du met n'gul, n'gân ta nklang vâl nhuang; jêh ri păng dâk ta nây, jêh nây chon kômâk tra năp măt phung Israel tâm rƀŭn, păng yơr ti klơ trôk.)

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Êsra 9:3

Tơlah tăng nau nây jêh, gâp nkhêk lơi ao tâm dâng gâp, ao jong gâp, tôch têp, rôk sŏk ta klơ bôk jêh ri gâp gŭ rngot.

Êsra 9:5

Tât jêh mông nhhơr ƀư brah kêng mhaơ, gâp dâk tă bơh ntŭk rêh ni bêk prêng, ao tâm dâng jêh ri ao jong lĕ hêk jêh, jêh ri gâp chon kômâk, yơr ti gâp rle mpeh Yêhôva Brah Ndu gâp

Nêhêmi 2:20

Gâp plơ̆ lah ma khân păng pô aơ: “Brah Ndu tâm lĕ ndâr trôk mra kơl ma hên dơi jêng. Hên jêng phung oh mon Păng, hên mra ntơm ndâk njêng tay, ƀiălah khân may mâu geh du kô̆ mâu lah nau dơi ăn kah gĭt tâm ƀon Yêrusalem ôh.”

Nêhêmi 2:4

Hađăch ôp ma gâp: “Moh nau may ŭch dăn?” Gâp mbơh sơm ma Brah Ndu tâm lĕ ndâr trôk,

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 136:26

Tâm rnê lah ueh hom ma Brah Ndu tâm lĕ ndâr trôk! Yor nuih n'hâm ueh Păng hôm tât n'ho ro.

Nau Mprơ Ơm 137:1

Hên dôl gŭ ta kơh dak krong Babilôn, Kah gĭt ma ƀon Siôn jêh ri nhĭm.

Daniel 10:2

Rnôk nây gâp, jêng Y-Daniel, gŭ rngot klâng lĕ pe pơh.

Daniel 2:18

jêh ri đă khân păng dăn nau yô̆ bơh Brah Ndu tâm trôk ma nau ndâp aơ, gay ma Y-Daniel jêh ri phung băl păng mâu geh khĭt ndrel ma phung njêh êng tâm n'gor bri Babilôn.

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Yônais 1:9

Păng plơ̆ lah: “Gâp jêng du huê Hêbrơ jêh ri gâp klach yơk ma Brah Yêhôva jêng Brah Ndu klơ trôk, Păng hŏ njêng jêh dak mƀŭt jêh ri neh sơh.”

Sôphôni 3:18

“Gâp mra tâm rgum phung dôl geh nau rngot, Yorlah mâu geh văch râng nau sông sa tâm nar rƀŭn toyh; Khân păng luh bơh may, ƀư anh jâk ma nau bêk prêng.

Samƀŭt Pôl Njuăl Ăn Ma Phung Nsing Ta Ƀon Rôm 12:15

Maak hom đah phung maak, nhĭm đah phung nhĭm.