Nêhêmi 1:3 - Nau Brah Ndu Ngơi 2023

³ Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 1:3 Iomraidhean Croise

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Phung Hađăch 25:10

Jêh nây phung tahan Kaldê tông bâr kôranh phung tahan gak ƀư rlâm mpêr ƀon jŭm Yêrusalem.

II Nau Rêh Jêng 36:19

Khân păng su ngih Brah Ndu, mbang rlâm mpêr ƀon toyh Yêrusalem, sŏk ŭnh su lĕ ngih hađăch, jêh ri ƀư rai lĕ ƀhiau lĕ ndơ khlay tâm ƀon.

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Êsra 5:8

Hên ăn hađăch gĭt pô aơ hên hŏ hăn jêh tâm n'gor Yuđa jêh ri tât ta ngih Brah Ndu dŭt toyh. Phung Yuđa ndâk ngih brah nây ma lŭ du nku jêh ri bu lĕ krĭp n'hao rkăng mpir jêh. Nau kan ƀư nanê̆ ngăn jêh ri gơih nđơr hao jêng tă ti khân păng.

Nêhêmi 11:3

Pakơi aơ jêng phung kôranh chiă uănh tâm n'gor gŭ ta ƀon Yêrusalem (tâm nôk phung ƀaƀă Israel, phung kôranh ƀư brah, phung Lêvi, phung pah kan ta ngih brah jêh ri phung kon sau phung oh mon Y-Salômôn gŭ da dê tâm n'gor ƀon khân păng nơm ta lĕ ƀon êng bơh Yuđa.

Nêhêmi 2:13

Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Nêhêmi 7:6

Aơ jêng lĕ phung dơi plơ̆ sĭt tâm n'gor Yuđa tă bơh ntŭk ƀư bu nă, nâm bu ntĭt phung mpôl hađăch Nêbukatnetsar nhŭp leo ƀư bu nă ta Babilôn, aƀaơ khân păng plơ̆ sĭt ma Yêrusalem jêh ri n'gor Yuđa, ăp nơm plơ̆ sĭt ta ƀon khân păng.

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Nau Hôr 25:28

Mbu nơm mâu blau chiă uănh nuih n'hâm păng nơm Nâm bu du rplay ƀon toyh lĕ rlâm, mpêr mâu nâp.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Êsai 5:5

Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 39:8

Phung Kaldê su ngih hađăch jêh ri ngih vâl phung ƀon lan, ƀư rai lơi mpêr ƀon toyh Yêrusalem.

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Yêrêmi 52:14

Lĕ rngôch phung tahan Kaldê hăn ndrel ma kôranh phung tahan gak, ƀư rlâm lĕ rngôch mpêr ƀon jŭm Yêrusalem.

Nau Nhĭm Vơl 1:7

Tâm nar nau rêh ni păng nsong mblêng, Ƀon Yêrusalem kah gĭt ma lĕ rngôch ndơ khlay păng Ndơ păng dơn ntơm bơh rô̆ saơm. Lah phung ƀon lan păng tŭp tâm ti phung rlăng, Mâu geh nơm kơl păng ôh, Phung rlăng uănh păng ma nau mưch rmot Tâm nau păng jêng rngol!

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Nau Nhĭm Vơl 3:61

Ơ Brah Yêhôva, May tăng jêh nau lĕ rngôch nau ƀư mhĭk, Jêh ri lĕ rngôch nau khân păng ŭch ƀư tâm rdâng đah gâp,

Nau Nhĭm Vơl 5:1

Ơ Brah Yêhôva, dăn kah gĭt ma lĕ nau hŏ tât ma hên; Dăn mêt uănh hom nau bêk prêng hên!

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.