Nêhêmi 1:11 - Nau Brah Ndu Ngơi 2023

¹¹ Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 1:11 Iomraidhean Croise

Nau Ntơm 24:42

Nar aơ, lah tât jêh ntu dak, gâp geh mbơh sơm pô aơ: ‘Ơ Brah Yêhôva, Brah Ndu Y-Abraham, kôranh gâp! Dăn May kơl nau gâp hăn aơ dơi jêng.

Nau Ntơm 32:11

Ơ Brah Ndu, dăn rklaih an kon bơh ti Y-Êsau, nâu gâp, yorlah gâp klach păng mra văch nkhĭt gâp nđâp ma ur jêh ri phung kon gâp đŏng.

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Ntơm 40:1

Jŏ djê̆ ma nây, kôranh djôt kachok jêh ri kôranh ƀư piăng let ma hađăch Êjipt, khân păng ƀư tih tâm rdâng đah hađăch.

Nau Ntơm 40:2

Pharaôn ji nuih ngăn ma bar hê kôranh nây jêng kôranh djôt kachok jêh ri kôranh ƀư piăng let,

Nau Ntơm 40:21

Hađăch ăn tay nau pah kan ma kôranh djôt kachok jêh ri păng dơi nhhơr kachok ta ti Pharaôn.

Nau Ntơm 40:23

Kôranh djôt kachok ndrănh mâu hôm kah gĭt ôh ma Y-Yôsep, păng lĕ chuêl hêng Y-Yôsep.

Nau Ntơm 41:9

Rnôk nây kôranh djôt kachok lah ma Pharaôn: “Nar aơ gâp kah gĭt lĕ nau tih gâp.

Nau Ntơm 43:14

Dăn ma Brah Ndu Geh Lĕ Nau Brah ƀư ma khân may geh nau yô̆ tanăp măt nơm nây, gay ma Y-Simêôn jêh ri Y-Benjamin mra plơ̆ sĭt ndrel khân may. Kay gâp, tơlah ăn roh phung kon, gâp dơn anh dơm nau roh nây!”

II Nau Rêh Jêng 6:40

Ơ Brah Ndu gâp ơi! Aƀaơ ri, dăn ma măt May uănh treng jêh ri rkêng tôr iăt ma nau mbơh sơm tâm ntŭk aơ.

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nêhêmi 2:1

Tâm khay Nisan, năm rơh bar jât rô̆ hađăch Artasersês, lah ndrăp jêh ndrănh tanăp hađăch, gâp chông ndrănh ăn ma hađăch. Ê hŏ prot gâp geh nau rngot muh măt tanăp hađăch.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nau Mprơ Ơm 106:46

Păng ăt ƀư ma bu geh nau yô̆ Tanăp phung nhŭp khân păng ƀư dĭk.

Nau Mprơ Ơm 130:2

Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

Nau Mprơ Ơm 61:5

Ơ Brah Ndu, May tăng jêh nau gâp ton, Ăn ma gâp drăp ndơn ma phung klach yơk ma amoh May.

Nau Mprơ Ơm 86:6

Ơ Yêhôva, rkêng tôr iăt nau gâp mbơh sơm, Dăn rkêng tôr tât ta bâr gâp vơh vơl.

Nau Hôr 1:29

Yorlah khân păng tâm rmot jêh ma nau blau mĭn, Mâu săch ôh nau klach yơk ma Brah Yêhôva,

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Yêrêmi 42:12

Gâp mra yô̆ nđach ma khân may jêh ri ƀư ăn ma hađăch nây ăt mra yô̆ nđach đŏng ma khân ay may, jêh ri ăn khân ay may plơ̆ sĭt ma bri dak khân ay may nơm.’

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

ហេឞ្រើ 13:18

Mbơh sơm hom ma hên ƀă, yorlah hên gĭt năl n'hêl nanê̆ hê nơm geh nuih n'hâm sŏng ueh, ŭch gŭ ngao nau ueh rah vah tâm lĕ ntil ndơ.