Ndrom Samƀŭt bơh Yôp 9:26 - Nau Brah Ndu Ngơi 2023

²⁶ Khân păng rgăn ngăch nâm bu rkĭt tơm rpho, Nâm bu klang ƀŭng jŭr pah mpa sa.

Ndrom Samƀŭt bơh Yôp 9:26 Iomraidhean Croise

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

Nau Hôr 23:5

Dôl may treng uănh tâm nau ndrŏng kuăng, di lĕ păng hŏ mpăr roh jêh? Nanê̆ păng chăt nting năr nâm bu klang ƀŭng, Jêh ri rpuh nting năr mpăr leo klơ trôk prêh.

Êsai 18:2

May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Nau Nhĭm Vơl 4:19

Phung groi tĭng hên Prăl lơn ma klang ƀŭng tâm trôk ta klơ. Khân păng hăn tĭng hên ta klơ lĕ yôk, Grem kâp hên tâm bri rdah.

Habakuk 1:8

Seh hăn tâm lơh khân păng prăl rlau lơn phung yau brăch, Jêh ri janh ngăn rlau so bri dôl bri măng. Phung tahan ncho seh khân păng nchuăt ngăch ngăn văch tă bơh bri ngai; Khân păng mpăr ngăch nâm bu klang jŭr kăp mpa sa.

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,