Ndrom Samƀŭt bơh Yôp 9:2 - Nau Brah Ndu Ngơi 2023

² “Ơ, gâp gĭt tâm ban pônây. Ƀiălah mâm ƀư kon bunuyh Brah Ndu dơi uănh jêng sŏng srăng?

Ndrom Samƀŭt bơh Yôp 9:2 Iomraidhean Croise

I Phung Hađăch 8:46

Tơlah khân păng ƀư tih đah Kôranh Brah — yorlah mâu geh du huê bunuyh mâu ƀư tih — ƀư ăn May ji nuih ma khân păng jêh ri jao khân păng ăn ma phung rlăng ăn bu nhŭp khân păng ƀư dĭk tâm n'gor phung rlăng, mâu lah ntŭk ngai mâu lah dăch.

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Ndrom Samƀŭt bơh Yôp 25:4

Mâm Brah Ndu dơi uănh kon bunuyh jêng sŏng srăng? Mbu moh deh tă bơh bu ur dơi kơp jêng kloh rsang?

Ndrom Samƀŭt bơh Yôp 25:5

Ri, khay mâu tŏng ôh nau ang, Phung mănh mbing mâu lĕ dơi jêng kloh rsang tâm dâng măt Păng;

Ndrom Samƀŭt bơh Yôp 32:2

Y-Êlihu, kon bu klâu Y-Barakel bunuyh Busi, tă bơh ndŭl mpôl Ram, hao ji nuih. Păng ji nuih ma Y-Yôp yorlah Y-Yôp kơp păng nơm jêng sŏng srăng lơn ma Brah Ndu.

Ndrom Samƀŭt bơh Yôp 33:9

‘Gâp kloh rsang, mâu geh ôh nau ƀư tih; Gâp mâu geh nau tih, mâu prăp ôh nau djơh mhĭk tâm nuih n'hâm.

Ndrom Samƀŭt bơh Yôp 34:5

Yorlah Y-Yôp hŏ lah n'hêl nanê̆: ‘Gâp jêng bunuyh sŏng srăng, Ƀiălah Brah Ndu hŏ sŏk rdu lơi jêh nau di bơh gâp.

Ndrom Samƀŭt bơh Yôp 4:17

‘Kon bunuyh djơh mhĭk dơi sŏng srăng lơn ma Brah Ndu lĕ bơh? Mâm kon bunuyh dơi kloh rsang lơn ma Nơm Rhăk Njêng păng nơm lĕ?

Ndrom Samƀŭt bơh Yôp 9:1

Rnôk nây Y-Yôp plơ̆ lah:

Nau Mprơ Ơm 130:3

Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

Nau Mprơ Ơm 143:2

Lơi dĭng phat dôih ma oh mon May ôh, Yorlah mâu geh du huê jêng sŏng srăng tanăp May ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.