Ndrom Samƀŭt bơh Yôp 5:15 - Nau Brah Ndu Ngơi 2023

¹⁵ Brah Ndu rklaih nuyh o ach klaih bơh mpiăt đao, Klaih bơh trôm mbung jêh ri klaih bơh ti phung janh ƀai.

Ndrom Samƀŭt bơh Yôp 5:15 Iomraidhean Croise

Ndrom Samƀŭt bơh Yôp 29:17

Gâp nkê̆ch pă nting kang phung mâu sŏng, Jêh ri mphâk lơi mpa bơh neng păng.

Ndrom Samƀŭt bơh Yôp 34:28

Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Ndrom Samƀŭt bơh Yôp 34:30

Mâu ăn ôh bunuyh mâu geh nau chroh chiă uănh, Mâu lah phung ŭch sân dăk phung ƀon lan.

Ndrom Samƀŭt bơh Yôp 36:15

Ƀiălah Brah Ndu dŏng nau rêh ni gay rklaih phung mâp nau rêh ni, Sŏk nau mhĭk tât gay pơk trôm tôr khân păng.

Ndrom Samƀŭt bơh Yôp 36:6

Păng mâu djôt prăp ôh nau rêh bơh bunuyh djơh, Ƀiălah phat dôih nau sŏng ma nơm geh nau rêh ni.

Ndrom Samƀŭt bơh Yôp 38:15

Nau ang hŏ roh jêh bơh phung djơh, Nting tur dŭt dăng bơh khân păng bu hŏ nkê̆ch pă.

Ndrom Samƀŭt bơh Yôp 4:10

Nau ngrông dŭt janh bơh yau mŭr hŏ roh rklăk jêh Jêh ri neng phung kon yau mŭr hŏ nkê̆ch pă jêh.

Ndrom Samƀŭt bơh Yôp 4:11

Yau mŭr dăng lĕ khĭt yor pưt mpa sa, Jêh ri phung kon yau mŭr chah rai pru pra.

Ndrom Samƀŭt bơh Yôp 5:21

May mra dơi nking n'gang bơh mpiăt nau mhĭk, Mâu klach ôh lah geh nau mhĭk tât.

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 10:17

Ơ Brah Yêhôva, May hŏ iăt jêh nau ŭch phung dêh rhêt; May ăn khân păng nâp nuih n'hâm, jêh ri rkêng tôr iăt khân păng

Nau Mprơ Ơm 107:41

Ƀiălah păng rklaih phung pưt kƀah bơh nau rêh ni, Jêh ri ăn rnăk vâl khân păng jêng âk nâm bu phung biăp.

Nau Mprơ Ơm 109:31

Yorlah May gŭ râng mpeh pa ma nơm pưt kƀah, Gay tâm rklaih nau rêh khân păng, bơh phung tâm rmal.

Nau Mprơ Ơm 140:12

Gâp gĭt Brah Yêhôva mra koh dŏng nau di ma phung o ach, Phat dôih nau sŏng ma bunuyh pưt kƀah.

Nau Mprơ Ơm 35:10

Lĕ nting nđăng gâp mra lah: “Ơ Brah Yêhôva, mbu tâm ban ma May? May tâm rklaih phung rdja bơh phung ktang, Rklaih phung rêh ni jêh ri phung pưt kƀah bơh phung tŭn jot.”

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Yêrêmi 39:11

Y-Nêbukatnetsar, hađăch Babilôn, ntrŭnh nau ăn ma Y-Nêbusaradan kôranh phung tahan gak, ma nau Y-Yêrêmi, lah pô aơ:

Daniel 1:9

Brah Ndu ƀư ma kôranh chiă uănh phung kôranh bu char geh nau rŏng jêh ri nau yô̆ ma Y-Daniel.