Ndrom Samƀŭt bơh Yôp 5:14 - Nau Brah Ndu Ngơi 2023

¹⁴ Dôl nôk nar khân păng mâp nau ngo klĕng, Dôl nar nklang bôk khân păng rvơ but nâm bu ngo klong măng.

Ndrom Samƀŭt bơh Yôp 5:14 Iomraidhean Croise

Ndrom Samƀŭt bơh Yôp 12:25

Khân păng rvơ tâm ntŭk ngo vêt vê; Păng ăn khân păng hăn nkêng nkăng nâm bu nuyh nhŭl.”

Ndrom Samƀŭt bơh Yôp 15:30

Păng mâu dơi klaih ôh bơh nau ngo klĕng, Mpiăt ŭnh ƀư kro lơi nkeh păng N'hâm nsôr bơh mbung Brah Ndu mra rdu păng.

Ndrom Samƀŭt bơh Yôp 18:18

Păng lĕ bu mprơh bơh nau ang gay lăp tâm ntŭk nau ngo, Jêh ri bu mprơh lơi bơh neh ntu.

Ndrom Samƀŭt bơh Yôp 20:26

Nau ngo klĕng prăp ma jay prăp drăp khlay păng; Ŭnh mâu yor kon bunuyh mra sa rvăn păng, Moh ndơ hôm klen tâm ngih bok păng mra ŭnh sa lĕ.

Ndrom Samƀŭt bơh Yôp 22:11

Nau ngo nkŭm lơi ƀư ma may uănh mâu saơ; Dak lip bŭk nkrâm may.

Ndrom Samƀŭt bơh Yôp 24:13

Hôm geh đŏng bu êng tâm rdâng đah nau ang, Mâu gĭt năl ôh trong nau ang, Jêh ri mâu hăn tâm trong nau ang,

Ndrom Samƀŭt bơh Yôp 38:15

Nau ang hŏ roh jêh bơh phung djơh, Nting tur dŭt dăng bơh khân păng bu hŏ nkê̆ch pă.

Nau Ngluh Êjipt 10:21

Brah Yêhôva lah ma Y-Môis: “Yơr hom ti may leo klơ trôk gay nau ngo nkŭm lam bri Êjipt, geh ntil nau ngo nâm bu dơi pah bi.”

Nau Ngluh Êjipt 10:22

Y-Môis yơr ti păng leo klơ trôk, nau ngo klĕng nkŭm lam bri Êjipt tâm pe nar.

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Êsai 59:10

Hên rvơ njŏ tĭng mpir tâm ban ma bunuyh chieh măt, Rvơ tâm ban ma phung mâu geh măt ôh; Nklang bôk nar ƀiălah chêh jâng tâm ban ma ngo nsrŭp măng; Ta nklang phung geh nau dăng ktang ƀiălah hên jêng tâm ban ma phung khĭt.

Amôt 8:9

Kôranh Brah Yêhôva lah: “Tâm nar nây, Gâp mra ƀư ăn nar nhâp tŭp nar nklang bôk Jêh ri ƀư ăn ngo neh ntu dôl nôk nar.

Nau Vay Nkah Tay 28:29

Dôl nklang bôk nar khân may but bi tâm ban ma bunuyh chieh măt nôk măng ngo kleng. Khân may mâu mra chăt hao ôh tâm nau kan khân may; bu mra tŭn jot khân may jêh ri ntŭng ndô ndơ khân may ƀaƀơ ƀiălah mâu geh ôh du huê nuyh kơl rklaih an khân may.