Ndrom Samƀŭt bơh Yôp 5:13 - Nau Brah Ndu Ngơi 2023

¹³ Păng nhŭp phung blau plĕch tâm nau plĕch rlăm păng, Jêh ri nhŭp rdâng ro nau ŭch mĭn phung ƀlăch ƀlêr.

Ndrom Samƀŭt bơh Yôp 5:13 Iomraidhean Croise

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 15:34

Ƀiălah tơlah may plơ̆ sĭt ma ƀon jêh ri lah ma Y-Apsalôm pô aơ: ‘Hơi hađăch, gâp jêng oh mon may. Kăl e, gâp jêng oh mon ma hađăch mbơ̆ may, aƀaơ aơ gâp mra jêng oh mon ma may’. Pônây, may gŭ mpeh ma gâp ƀư roh lơi nau nchră Y-Ahitôpel.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Ndrom Samƀŭt bơh Yôp 15:5

Yorlah nau tih mhĭk may ntĭm ma mbung may ngơi, Jêh ri may săch rplay nau ngơi bơh nơm plĕch rlăm.

Ndrom Samƀŭt bơh Yôp 37:24

Yor nau nây yơh kon bunuyh klach yơk ma Păng, Păng mâu treng uănh ôh phung mĭn ma păng nơm geh nau blau mĭn.”

Nau Mprơ Ơm 18:26

Mbu nơm kloh rsang, Kôranh Brah mra tâm mpơl May nơm jêng kloh rsang; Bi ma nơm kue, May mra tâm mpơl May nơm jêng blau mĭn.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Hôr 3:32

Yorlah Brah Yêhôva tâm rmot ma bunuyh kue, Ƀiălah Păng njêng mĭt jiăng đah bunuyh sŏng.

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 49:7

Brah Yêhôva ma phung tahan lah ma Êđôm kơt aơ: “Ah tâm ƀon Têman mâu hôm geh hĕ nau blau mĭn. Phung blau kơl nkah mâu hôm geh nau gĭt rbăng hĕ? Nau gĭt mĭn khân păng hŏ roh jêh mâu?

Yêrêmi 8:8

Mâm khân may nănh ngơi: “Hên blau mĭn, Nau vay Brah Yêhôva gŭ ndrel ma hên,”? Ƀiălah aơ, chông mâng nchih nau mƀruh phung kôranh nchih samƀŭt Hŏ ƀư ăn nau vay nây luh nau mƀruh!

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Yêrêmi 9:22

May ngơi hom: “Brah Yêhôva lah pô aơ: ‘Săk jăn phung khĭt mra cha lôt Nâm bu buh nkhŭt ta lôk mir, Nâm bu nkong ba pakơi nơm rek Mâu geh nơm dônh khân păng ôh.’”

Nau Kơp Bunuyh 22:25

Tơlah seh bri me saơ tông mpăr Brah Yêhôva, păng mpet đah mpir jêh ri geh rchiăt jâng Y-Balaam đah mpir, pônây Y-Balaam dong păng đŏng.

Luka 1:51

Păng hŏ dŏng ti Păng ƀư lĕ nau kan nau brah; Ƀư nchah rai pru pra phung geh nau mĭn sưr rlau tâm nuih n'hâm.

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”