Ndrom Samƀŭt bơh Yôp 5:10 - Nau Brah Ndu Ngơi 2023

¹⁰ Păng ăn mih ta neh, Ăn dak djrah lam mir;

Ndrom Samƀŭt bơh Yôp 5:10 Iomraidhean Croise

Ndrom Samƀŭt bơh Yôp 28:26

Nkra nau vay ma mih, Tor trong hăn ma lơp nglaih;

Ndrom Samƀŭt bơh Yôp 36:27

Yorlah Păng rgum ăp truh dak, Jêh nây n'hôl âk truh dak tŭk jêng mih;

Ndrom Samƀŭt bơh Yôp 36:28

Lĕ ndâr tŭk tŭp hoch dak mih, Djrah lam lĕ klơ kon bunuyh.

Ndrom Samƀŭt bơh Yôp 37:6

Yorlah Păng lah ma glo dak pler: ‘Tŭp hom ta neh ntu’; Jêh ri ndrel ma mih ntâng: ‘Hoch hom nâm bu rbuh dak leng’.

Nau Mprơ Ơm 147:8

Păng nkŭm lĕ ndâr trôk ma tŭk, Ndrăp dak mih ma neh ntu, Ƀư ăn gơ̆ hon tâm lĕ dor yôk.

Nau Mprơ Ơm 68:9

Ơ Brah Ndu, ăn dak mih tŭp âk ta klơ drăp ndơn May; Tơlah păng sơh kro, May ăn păng sĭt n'hâm suan.

Yêrêmi 10:13

Tơlah Păng ngơi, lĕ tu dak ta klơ trôk drơu drơu; Păng ƀư n'hôl dak hao bơh ntơm nglĕ dŭt rplay neh. Ƀư ăn lơp nglaih tâm mih, Pơk sail luh bơh lĕ jay prăp drăp ndơ khlay Păng.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 5:24

Khân păng mâu lah ôh đah nuih n'hâm păng nơm: ‘He klach yơk hom ma Yêhôva Brah Ndu Nơm hŏ ăn dak mih di yan, Dak mih bôk yan jêh ri dak mih lôch yan, Jêh ri mray ăn phung he Lĕ nar pơh ma yan rek.’

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”