Ndrom Samƀŭt bơh Yôp 42:8 - Nau Brah Ndu Ngơi 2023

⁸ Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Ndrom Samƀŭt bơh Yôp 42:8 Iomraidhean Croise

Nau Ntơm 20:17

Jêh nau nây, Y-Abraham mbơh sơm dăn Brah Ndu jêh ri Brah Ndu ƀư bah Y-Abimêlek, ur păng, nđâp phung oh mon bu ur hađăch gay khân păng dơi geh kon.

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

I Nau Rêh Jêng 15:26

Brah Ndu kơl jêh phung Lêvi tung Hip Nau Tâm Rnglăp Brah Yêhôva, khân păng nhhơr pơh mlâm ndrôk nkuăng jêh ri pơh mlâm biăp nkuăng ƀư mpa ƀư brah.

II Nau Rêh Jêng 29:21

Khân păng têk leo pơh mlâm ndrôk nkuăng, pơh mlâm biăp nkuăng, pơh mlâm biăp kon, jêh ri pơh mlâm be nkuăng gay ƀư ndơ ƀư brah chuai nau tih ma ƀon bri hađăch, ma ngih brah kloh ueh jêh ri ma phung Yuđa. Păng ntĭnh ma phung kôranh ƀư brah jêng noi Y-Arôn ăn nhhơr lĕ mpa ƀư brah nây ta klơ nơng Brah Yêhôva.

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Ndrom Samƀŭt bơh Yôp 22:30

Păng mra tâm rklaih ma lĕ rngôch phung geh nau tih; Yor nây may mra dơi tâm rklaih tă bơh bar đah ti kloh ueh may.”

Ndrom Samƀŭt bơh Yôp 35:8

Nau djơh may mra ƀư mhĭk tât ma du mpôl bunuyh, Nau sŏng srăng may dơi geh nau khlay kơl ma kon bunuyh.

Ndrom Samƀŭt bơh Yôp 42:9

Pôri, Y-Êlipas bunuyh Têman, Y-Bildat bunuyh Suah, jêh ri Y-Sôphar bunuyh Naama hăn ro jêh ri ƀư tĭng nâm nau Brah Yêhôva hŏ ntĭnh jêh ma khân păng. Brah Yêhôva dơn nau Y-Yôp mbơh sơm.

Nau Mprơ Ơm 103:10

Păng mâu ƀư ôh ma he tĭng nâm nau tih he ƀư, Mâu lĕ mplơ̆ sĭt ma he tĭng nâm nau djơh mhĭk he.

Nau Ngluh Êjipt 18:12

Y-Jêtrô, po Y-Môis, nhhơr ndơ ƀư brah gŭch jêh ri mpa ƀư brah ma Brah Ndu. Y-Arôn jêh ri lĕ kôranh bu ranh Israel văch sông sa ndrel ma po Y-Môis, tanăp Brah Ndu.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Yêrêmi 14:11

Brah Yêhôva lah ma gâp: “Lơi ta may mbơh sơm nau ueh ôh ăn ma phung ƀon lan aơ.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Êsêkiêl 45:23

Tâm pơh nar năng rƀŭn, ăp nar hađăch ndrăp pơh mlâm ndrôk nkuăng jêh ri pơh mlâm biăp nkuăng mâu geh ntŭk mhĭk ôh ƀư brah gŭch ăn ma Brah Yêhôva tâm pơh nar, jêh ri ăp nar du mlâm be nkuăng ƀư ndơ brah chuai nau tih.

Nau Kơp Bunuyh 23:1

Y-Balaam lah ma Y-Balak: “Ndâk hom ta aơ ma gâp pơh mlâm nơng ƀư brah jêh ri ta aơ nkra ma gâp pơh mlâm ndrôk nkuăng jêh ri pơh mlâm biăp nkuăng.”

Nau Kơp Bunuyh 23:14

Pônây, păng leo Y-Balaam tât ta mir Y-Sôphim, klơ n'gơn yôk Pisga, jêh nây ndâk pơh mlâm nơng ƀư brah, ta klơ ăp nơng ƀư brah nhhơr du mlâm ndrôk nkuăng jêh ri du mlâm biăp nkuăng.

Nau Kơp Bunuyh 23:29

Y-Balaam lah ma Y-Balak: “Ndâk hom ta aơ ma gâp pơh mlâm nơng ƀư brah jêh ri ndrăp lor ta aơ ma gâp pơh mlâm ndrôk nkuăng jêh ri pơh mlâm biăp nkuăng.”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

ហេឞ្រើ 10:4

Yorlah mham ndrôk nkuăng jêh ri be nkuăng mâu dơi sŏk lơi nau tih.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

Yakơ 5:14

Mbu moh tâm khân may geh nau ji kuet? Bunuyh nây jă hom phung kôranh bu ranh Phung Ngih Brah Ndu văch; khân păng mra mbơh sơm an tâm amoh Kôranh Brah jêh ri mhĭng dak ngi ôlive ma bunuyh ji.

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.

I Yôhan 5:6

Brah Yêsu Krist jêng Nơm văch jêh ma dak jêh ri ma mham, mâu di knŏng ma dak ôh, ƀiălah dak nđâp ma mham.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.

I Samuel 25:35

Jêh nây Y-Đavit dơn tă bơh ti H'Abigêl ndơ păng djôt leo ăn jêh ma păng, jêh ri păng lah: “Plơ̆ sĭt hom đăp mpăn ma ngih vâl ay. Uănh hom, gâp hŏ tăng jêh ay, jêh ri dơn jêh nau ay dăn.”