Ndrom Samƀŭt bơh Yôp 42:12 - Nau Brah Ndu Ngơi 2023

¹² Nâm bu pônây, Brah Yêhôva ăn nau ueh uĭn ma lĕ năm kêng lôch nau rêh Y-Yôp âk lơn ma nôk saơm. Păng geh du rmưn puăn rbăn mlâm biăp, prao rbăn seh samô, du rbăn trŭp ndrôk jêh ri du rbăn seh bri me.

Ndrom Samƀŭt bơh Yôp 42:12 Iomraidhean Croise

Nau Ntơm 24:35

Brah Yêhôva hŏ ăn nau ueh uĭn âk ma kôranh gâp jêh ri ăn ma kôranh gâp jêng ndrŏng. Păng ăn ma kôranh gâp biăp ndrôk, prăk mah, phung oh mon bu klâu bu ur, seh samô jêh ri seh bri.

Nau Ntơm 32:14

Ndơ ăn geh: Bar rhiăng be me jêh ri bar jât be nkuăng; bar rhiăng biăp me jêh ri bar jât biăp nkuăng;

Ndrom Samƀŭt bơh Yôp 1:10

Mâu di bơh may hŏ ndâk n'gar king n'gang jŭm păng jêh ri rnăk vâl nđâp ma lĕ rngôch drăp ndơ păng ƀơh? May hŏ ăn nau ueh uĭn tâm kan ti păng pah jêh ri ƀư ma drăp ndơ păng bêng lam neh.

Ndrom Samƀŭt bơh Yôp 1:2

Păng geh pơh kon bu klâu jêh ri pe kon bu ur.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Ndrom Samƀŭt bơh Yôp 8:7

Nđâp lah ntơm saơm may jê̆ lê̆ Ƀiălah rnôk kăndơ̆ may mra jêng toyh ngăn.

Nau Mprơ Ơm 107:38

Brah Ndu ăn nau ueh uĭn ma khân păng, jêh ri khân păng bĭk âk. Păng mâu ăn phung mpô mpa rong khân păng geh nau n'hŭch.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nơm Nti 7:8

Nglĕ dŭt du ntil kan ueh lơn ntơm saơm kan nây; Nau nsrôih ueh lơn ma nau sưr.

Êsêkiêl 36:11

Gâp mra ntop đŏng kon bunuyh jêh ri mpô mpa ta klơ neh khân may, khân păng mra hao bĭk rơ̆ lơn jêh ri chăt jêng. Gâp mra ƀư ăn khân may ma bunuyh âk nâm bu kăl e jêh ri ăn nau ƀŭn lap ma khân may âk lơn bơh ntơm saơm. Rnôk nây, khân may mra gĭt Gâp jêng Brah Yêhôva.

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.