Ndrom Samƀŭt bơh Yôp 4:10 - Nau Brah Ndu Ngơi 2023

¹⁰ Nau ngrông dŭt janh bơh yau mŭr hŏ roh rklăk jêh Jêh ri neng phung kon yau mŭr hŏ nkê̆ch pă jêh.

Ndrom Samƀŭt bơh Yôp 4:10 Iomraidhean Croise

Ndrom Samƀŭt bơh Yôp 29:17

Gâp nkê̆ch pă nting kang phung mâu sŏng, Jêh ri mphâk lơi mpa bơh neng păng.

Ndrom Samƀŭt bơh Yôp 5:15

Brah Ndu rklaih nuyh o ach klaih bơh mpiăt đao, Klaih bơh trôm mbung jêh ri klaih bơh ti phung janh ƀai.

Nau Mprơ Ơm 3:7

Ơ Brah Yêhôva, dăn tâm rklaih gâp! Ơ Brah Ndu gâp, tâm rklaih hom gâp! Yorlah Kôranh tap ta trô bom lĕ rngôch phung rlăng gâp Jêh ri nkê̆ch pă sêk phung mhĭk.

Nau Mprơ Ơm 57:4

Huêng gâp gŭ tâm nklang phung yau mŭr; Bê̆ch tâm nklang phung mpa bri sa puăch nuyh. Geh sêk tâm ban ma chiông tak, hăr Jêh ri mpiăt khân păng hơr tâm ban ma du mlâm đao.

Nau Mprơ Ơm 58:6

Ơ Yêhôva, nkê̆ch lơi sêk tâm mbung khân păng; Ơ Brah Yêhôva, nkê̆ch lơi neng phung kon yau mŭr.

Nau Mprơ Ơm 58:7

Ăn khân păng jêng roh rai nâm bu dak hoch! Tơlah khân păng van na, ăn hăr khân păng lĕ ƀâl jêh!

Nau Hôr 30:14

Geh phung bunuyh geh sêk hơr nâm bu đao, Găm hơr nâm bu pêh. Gay rvăn roh lĕ bunuyh ndĭt trơi bơh neh, Jêh ri lĕ bunuyh rêh ni bơh kon bunuyh.