Ndrom Samƀŭt bơh Yôp 38:22 - Nau Brah Ndu Ngơi 2023

²² May hŏ lăp uănh ăp jay bu prăp pler, Lĕ saơ đŏng jay prăp glo mih dak pler

Ndrom Samƀŭt bơh Yôp 38:22 Iomraidhean Croise

Ndrom Samƀŭt bơh Yôp 37:6

Yorlah Păng lah ma glo dak pler: ‘Tŭp hom ta neh ntu’; Jêh ri ndrel ma mih ntâng: ‘Hoch hom nâm bu rbuh dak leng’.

Ndrom Samƀŭt bơh Yôp 38:23

Ndơ nây gâp hŏ prăp jêh ăn ma nau rêh ni, Ma nar tâm lơh jêh ri đah nơm rlăng lĕ?

Ndrom Samƀŭt bơh Yôp 6:16

Dak rkhăl yor hoch glo pler, Rkhăl ma yor pler lêk.

Nau Mprơ Ơm 135:7

Păng ăn ndâr tŭk hao bơh nglĕ dŭt rplay neh, Ƀư lơp nglaih ndrel ma mih, Ăn sial khôm luh tă bơh lĕ jay Păng prăp drăp ndơ khlay.

Nau Mprơ Ơm 147:16

Păng ăn mih pler nâm bu rsau biăp, Srih dak ngom nâm bu ŭnh buh.

Nau Mprơ Ơm 147:17

Păng klŭp pler nđik jŭr âk rngơl; Mbu dơi gŭ tanăp nau nđik Păng?

Nau Mprơ Ơm 33:7

Păng rgum lĕ rngôch dak mƀŭt jêng mbŭch, Jêh ri prăp dak jru nsŭn du ntŭk jay.

Nau Ngluh Êjipt 9:18

ôi taơ, ta mông aơ, Gâp mra ƀư ăn mih tŭp pler toyh mâu mâp geh tâm ban pônây tâm n'gor Êjipt ntơm bơh bu ndâk bri dak kŏ tât nar aơ.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsêkiêl 13:11

Lah hom ma phung mhĭng klo nglang mpêr nây mra rlâm. Dak mih toyh mra tât. Hơi dak mih pler toyh, may mra tŭp jêh ri phŭt chuănh ktang mra hêk sat mpêr nây!

Êsêkiêl 13:13

Yor nây Kôranh Brah Yêhôva lah: ‘Tâm nau ji nuih, Gâp mra ƀư phŭt sial hêk sat păng; tâm nau ji nuih, Gâp mra prơh dak mih tât; jêh ri tâm nau ji nuih ngăn, Gâp ăn dak mih tŭp pler toyh ƀư rai păng.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.