Ndrom Samƀŭt bơh Yôp 37:18 - Nau Brah Ndu Ngơi 2023

¹⁸ May dơi lĕ n'hanh Brah Ndu ling trôk, Ƀư ăn păng dăng nâp nâm bu du mlâm rchŏk bu tŏ lĕ?

Ndrom Samƀŭt bơh Yôp 37:18 Iomraidhean Croise

Ndrom Samƀŭt bơh Yôp 37:17

May gĭt lĕ mbah tă bok ao may duh, Lah rplay neh gŭ nsrŭng yor sial pa dâng khôm tât lĕ?

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Mprơ Ơm 150:1

Halêluya! Tâm rnê hom ma Brah Ndu tâm ntŭk kloh ueh Păng! Tâm rnê hom ma Păng ta klơ trôk Păng dŭt toyh.

Nau Ngluh Êjipt 38:8

Păng sŏk dŏng dĭng lĕ pŏk nchrâng muh măt phung bu ur pah kan ta mpông Ngih Bok Nau Tâm Rƀŭn gay ƀư du mlâm thŭng dak geh jâng thŭng dak ma kông.

Nau Hôr 8:27

Dôl Păng rhăk njêng lĕ ndâr trôk Jêh ri dơm đôr ta klơ brŏng jru, gâp hŏ gŭ ta nây.

Êsai 40:12

Mbu nơm sŏk jêh mpang ti veh dak mƀŭt, Sŏk nđam ti gay veh lĕ ndâr trôk? Mbu nơm hŏ sŏk du ndơ veh gay veh ndruyh neh? Mbu nơm hŏ dŏng njing gay nhueh yôk? Jêh ri dŏng njing mpan gay veh gôl yôk?

Êsai 40:22

Păng yơh jêng Nơm gŭ ta klơ đôr nkŭm rplay neh, Jêh ri phung gŭ tâm neh ntu jêng tâm ban ma krah ndrach. Păng jêng Nơm pơk lĕ ndâr trôk tâm ban ma du bok nching Jêh ri nthăng khân păng tâm ban ma ngih bok gay gŭ.

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ: