Ndrom Samƀŭt bơh Yôp 36:7 - Nau Brah Ndu Ngơi 2023

⁷ Păng treng uănh ƀaƀơ tât ma bunuyh sŏng srăng, Ăn ma khân păng gŭ klơ sưng hađăch ndrel ma phung hađăch, Păng njêng khân păng nâp ngăn ngên, jêh ri khân păng geh nau yơk mro.

Ndrom Samƀŭt bơh Yôp 36:7 Iomraidhean Croise

Nau Ntơm 23:6

“Hơi kôranh, dăn iăt hên. May jêng kôranh toyh bơh Brah Ndu gŭ ta klang phung hên. Ăn may tâp hom bunuyh may hŏ khĭt tâm môch dŭt ueh bơh phung hên. Mâu geh du huê bunuyh tâm phung hên nhhuach môch păng mâu ăn ôh may tâp bunuyh may hŏ khĭt.”

Nau Ntơm 41:40

Pôri, may mra chiă uănh ngih gâp, jêh ri lĕ rngôch bunuyh ƀon lan gâp mra iăt tông mâm nau may trŭnh. Gâp toyh lơn ma may yor gâp geh sưng hađăch dơm.”

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Êsther 10:3

Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Ndrom Samƀŭt bơh Yôp 22:29

Lah khân păng geh nau gơm mưch, may mra lah: ‘Yor khân păng sưr!’ Yorlah Brah Ndu rklaih phung dêh rhêt.

Ndrom Samƀŭt bơh Yôp 31:4

Mâu di bơh Păng vay saơ trong gâp hăn, Jêh ri kơp ăp nhuat jâng gâp ƀơh?

Ndrom Samƀŭt bơh Yôp 4:7

Ăn may uănh n'hêl tay, geh ndah âk bunuyh mâu tih dơn nau khĭt? Ta ntŭk bunuyh sŏng gŭ nkhơng geh nau rai yot?

Ndrom Samƀŭt bơh Yôp 42:12

Nâm bu pônây, Brah Yêhôva ăn nau ueh uĭn ma lĕ năm kêng lôch nau rêh Y-Yôp âk lơn ma nôk saơm. Păng geh du rmưn puăn rbăn mlâm biăp, prao rbăn seh samô, du rbăn trŭp ndrôk jêh ri du rbăn seh bri me.

Ndrom Samƀŭt bơh Yôp 5:11

N'hao phung bunuyh dêh rhêt ăn prêh, Ăn nau ueh maak ma phung dôl klâng rvê.

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 34:16

Ƀiălah muh măt Brah Yêhôva ƀư tâm rdâng đah phung ƀư mhĭk Gay jut lơi ăn kloh nau khân păng ndray kah gĭt bơh neh ntu.

Nau Mprơ Ơm 41:12

May kuăn rdâng gâp yor nau sŏng gâp; May njêng gâp gŭ nâp tanăp May n'ho ro.

Êsai 22:23

Gâp mra ƀư ăn ma păng nâp ktang tâm ban ma pâng meh vâl bok ƀư tâm neh; jêh ri păng mra jêng du rplay sưng hađăch chrêk rmah ma ngih mbơ̆ păng.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

I Pêtrôs 3:12

Yorlah măt Kôranh Brah treng uănh ma phung sŏng srăng, Jêh ri tôr Păng kâp iăt nau khân păng mbơh sơm. Ƀiălah muh măt Kôranh Brah tâm rdâng đah phung ƀư mhĭk.”

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.