Ndrom Samƀŭt bơh Yôp 36:3 - Nau Brah Ndu Ngơi 2023

³ Gâp mra djôt leo nau blau mĭn âk tă bơh ăp ntŭk Gay mpơl nau sŏng srăng bơh Nơm Rhăk Njêng gâp.

Ndrom Samƀŭt bơh Yôp 36:3 Iomraidhean Croise

Ndrom Samƀŭt bơh Yôp 32:2

Y-Êlihu, kon bu klâu Y-Barakel bunuyh Busi, tă bơh ndŭl mpôl Ram, hao ji nuih. Păng ji nuih ma Y-Yôp yorlah Y-Yôp kơp păng nơm jêng sŏng srăng lơn ma Brah Ndu.

Ndrom Samƀŭt bơh Yôp 32:8

Ƀiălah huêng yơh gŭ tâm kon bunuyh, Jêng n'hâm nsôr tă bơh Nơm Geh Lĕ Nau Brah mơ ăn ma khân păng nau gĭt rbăng.

Ndrom Samƀŭt bơh Yôp 34:5

Yorlah Y-Yôp hŏ lah n'hêl nanê̆: ‘Gâp jêng bunuyh sŏng srăng, Ƀiălah Brah Ndu hŏ sŏk rdu lơi jêh nau di bơh gâp.

Ndrom Samƀŭt bơh Yôp 36:2

“Srôih hom ntop djê̆ đŏng, gâp mra ntĭm ma may, Yorlah gâp hôm geh nau ngơi koh dŏng Brah Ndu.

Ndrom Samƀŭt bơh Yôp 37:23

Nơm Geh Lĕ Nau Brah, he mâu dơi ôh joi tât ta Păng; Păng geh nau brah jêh ri sŏng nanê̆ ngăn, Păng sŏng srăng dŭt n'hâm, mâu tŭn jot bu ôh.

Ndrom Samƀŭt bơh Yôp 4:17

‘Kon bunuyh djơh mhĭk dơi sŏng srăng lơn ma Brah Ndu lĕ bơh? Mâm kon bunuyh dơi kloh rsang lơn ma Nơm Rhăk Njêng păng nơm lĕ?

Ndrom Samƀŭt bơh Yôp 8:3

Mâm ƀư dĭng Brah Ndu juet ăn kue lơi nau di? Mâu lah Nơm Geh Lĕ Nau Brah nsak lơi nau di?

Nau Mprơ Ơm 11:7

Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 145:17

Brah Yêhôva jêng sŏng srăng tâm lĕ trong Păng, Jêh ri bêng nau ueh tâm lĕ kan Păng.

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Daniel 9:14

Yor nây, Brah Yêhôva kâp rơm ndrăp jêh ri nkhŭt nau mhĭk aơ ta klơ hên yor Yêhôva Brah Ndu hên jêng sŏng srăng tâm lĕ kan May pah, knŏng hên mâu ŭch tông ôh bâr May.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Mathay 12:42

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!

Samƀŭt Pôl Njuăl Ăn Ma Phung Nsing Ta Ƀon Rôm 9:14

Pôri, moh nau he mra lah? Geh lĕ Brah Ndu mâu sŏng mâu lah mâu? Mâu mâp tâm ban pônây!

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!