Ndrom Samƀŭt bơh Yôp 35:5 - Nau Brah Ndu Ngơi 2023

⁵ N'gơr măt hom jêh ri uănh lĕ ndâr trôk; Treng uănh hom ma ndâr tŭk prêh lơn ma may hâu ngăn ngên.

Ndrom Samƀŭt bơh Yôp 35:5 Iomraidhean Croise

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

Ndrom Samƀŭt bơh Yôp 11:7

Gĭt lah may dơi gĭt vât jru nau khlay ndâp Brah Ndu Jêh ri joi nau gĭt rbăng toyh bơh Nơm Geh Lĕ Nau Brah?

Ndrom Samƀŭt bơh Yôp 11:8

Nau nây prêh lơn ma lĕ ndâr trôk, mâm may dơi ƀư? Jru lơn ma ƀon phung khĭt, mâm may dơi gĭt jru?

Ndrom Samƀŭt bơh Yôp 22:12

Mâu di bơh Brah Ndu gŭ tâm ntŭk prêh klơ, tât lĕ klơ ndâr trôk? Uănh hom phung mănh mbing prêh lơn, prêh hâu ngăn ngên!

Ndrom Samƀŭt bơh Yôp 35:4

Gâp nơm mra plơ̆ lah ma may, Jêh ri phung mĭt jiăng may đŏng.

Ndrom Samƀŭt bơh Yôp 36:26

Di ngăn, Brah Ndu dŭt toyh, mâm he dơi gĭt rbăng; Mrô năm Păng mbu dơi kơp.

Ndrom Samƀŭt bơh Yôp 37:16

May gĭt lĕ mâm dĭng ndâr tŭk nâp dôl mpăr, Du nau kan toyh bơh Nơm Geh Lĕ Nau Gĭt Mĭn?

Êsai 55:8

Brah Yêhôva lah: “Nau Gâp mĭn mâu di jêng nau khân may mĭn ôh, Trong khân may mâu di jêng trong Gâp ôh.

Êsai 55:9

Yorlah lĕ ndâr trôk prêh lơn ma neh ntu, Pônây lĕ trong Gâp jêng prêh lơn ma trong khân may, Nau gâp mĭn prêh lơn ma nau khân may mĭn.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”