Ndrom Samƀŭt bơh Yôp 35:11 - Nau Brah Ndu Ngơi 2023

¹¹ Ntĭm nti he dơi gĭt rbăng lơn ma rbăn ntil mpô mpa bri tâm neh ntu, Jêh ri ăn he blau mĭn lơn ma lĕ ntil sĭm tâm trôk.’

Ndrom Samƀŭt bơh Yôp 35:11 Iomraidhean Croise

Nau Ntơm 1:26

Brah Ndu lah: “Ăn He njêng bunuyh tĭng nâm rup He jêh ri tâm ban ma He Nơm, gay ăn khân păng chiă uănh lĕ ntil ka tâm dak mƀŭt, lĕ ntil sĭm klơ trôk, lĕ ntil mpô mpa rong, jêh ri lam neh, ndrel ma lĕ rngôch ntil mpa vơr ta neh.”

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Ndrom Samƀŭt bơh Yôp 21:22

Mbu dơi janh ntĭm nau blau mĭn âk ma Brah Ndu, Yorlah Păng nơm phat dôih phung gŭ tâm ntŭk prêh?

Ndrom Samƀŭt bơh Yôp 32:8

Ƀiălah huêng yơh gŭ tâm kon bunuyh, Jêng n'hâm nsôr tă bơh Nơm Geh Lĕ Nau Brah mơ ăn ma khân păng nau gĭt rbăng.

Ndrom Samƀŭt bơh Yôp 36:22

Ri, nau brah bơh Brah Ndu dŭt prêh ngăn ngên; Geh đŏng nơm nti tâm ban Păng?

Nau Mprơ Ơm 94:10

Nơm nduyh nkra lĕ bri dak Mâu mra tâm rmal hĕ? Păng jêng Nơm ăn nti nau gĭt rbăng ma kon bunuyh.

Nau Mprơ Ơm 94:12

Ơ Yêhôva, ueh maak yơh ma bunuyh geh nau Păng nduyh nkra Jêh ri nti nau vay May ăn,

Yêrêmi 32:33

Khân păng ndôn kơi jêh ri pôn muh măt khân păng ma Gâp. Nđâp lah Gâp hŏ nti ma khân păng ƀaƀơ, khân păng ăt mâu ŭch iăt ôh, mâu sŏk dơn nau ntĭm nti.

Mathay 6:26

Uănh hom ma phung sĭm tâm trôk: mâu mâp tăm, mâu lĕ mâp rek, mâu lĕ bun prăp tâm jay, ƀiălah Mbơ̆ khân may ta klơ trôk siăm khân păng. Di lĕ khân may khlay lơn ma phung sĭm?